ଦିଲ୍ଲୀରେ ୧୮ ଘଂଟା ହେଲା ଜଳୁଛି ମାଲବ୍ୟନଗରରେ ଥିବା ଏକ ରବର ଗୋଦାମ

ଦିଲ୍ଲୀରେ ଭୟଙ୍କର ନିଆଁ । ମାଲବ୍ୟନଗରର ଏକ ଗୋଦାମରେ ୧୭ ଘଂଟା ଧରି ଲାଗିଥିବା ନିଆଁ ଅଣାୟତ ହୋଇଛି । ନିଆଁ ଏତେ ଭୟଙ୍କର ହୋଇଛି ଯେ, ନିୟନ୍ତ୍ରଣ ପାଇଁ ଦିଲ୍ଲୀ ବିପର୍ଯ୍ୟୟ ପ୍ରଶମନ ପ୍ରାଧିକରଣ ହେଲିକପ୍ଟରର ସହାୟତାରେ ନେଇଛି । ବର୍ତମାନ ହେଲିକପ୍ଟର ସହାୟତାରେ ନିଆଁକୁ ଆୟତ କରିବା ପାଇଁ ଆକାଶ ମାର୍ଗରୁ ପ୍ରୟାସ ଜାରି ରହିଛି । ଭୟଙ୍କର ନିଆଁ ଯୋଗୁଁ ଲୋକେ ଆତଙ୍କିତ ହୋଇପଡିଛନ୍ତି । ଆଖପାଖର କିଛି ଘରକୁ ଖାଲି କରାଯାଇଛି ।

ଗୋଦାମରେ ଗତକାଲି ନିଆଁ ଲାଗିଥିଲା । ପରେ ଦାବି କରାଯାଇଥିଲା ନିଆଁକୁ ଆୟତ କରାଯାଇଛିା କିନ୍ତୁ ପରେ ପବନ ଯୋଗୁଁ ନିଆଁ ଧିରେ ଧିରେ ଅଧିର ହୋଇ ଅନ୍ୟଆଡକୁ ବ୍ୟାପି ଭୟଙ୍କର ରୂପ ଧାରଣ କରିଥିଲା । ଗୋଦାମର ଗୋଟିଏ ପଟେ ସ୍କୁଲ ଥିବାବେଳେ ଅନ୍ୟପଟେ ଲୋକଙ୍କ ଘର ରହିଛି । ତେଣୁ କୌଣସି ଅଘଟଣକୁ ଏଡାଇବା ଲାଗି ଗୋଦାମକୁ ଲାଗିଥିବା ଘରଗୁଡିକୁ ଖାଲି କରିଦିଆଯାଇଛି ।