ଦିଲ୍ଲୀରେ କଂଗ୍ରେସ ଓ ଆପ୍‌ ମଧ୍ୟରେ ମେଣ୍ଟର ନୂଆ ଫର୍ମୁଲା ବାହାରିଲା !

ନୂଆଦିଲ୍ଲୀ:ଦିଲ୍ଲୀରେ କଂଗ୍ରେସ ଓ ଆମ ଆଦମି ପାର୍ଟି (ଆପ୍‌) ମଧ୍ୟରେ ମେଣ୍ଟର ନୂଆ ଫର୍ମୁଲା ବାହାରିଥିବା ଚର୍ଚ୍ଚା ହେଉଛି। କଂଗ୍ରେସର ଜଣେ ବରିଷ୍ଠ ନେତା ସୂଚନା ଦେଇଛନ୍ତି ଯେ ଉଭୟ ଦଳ ଭିତରେ ୩:୩:୧ ଫର୍ମୁଲାରେ ଉଭୟ ଦଳ ଭିତରେ ମେଣ୍ଟ ହେବ। ଏହାର ଅର୍ଥ ହେଲା ଦିଲ୍ଲୀର ୭ଟି ଲୋକସଭା ଆସନ ମଧ୍ୟରୁ ତିନିଟିରେ କଂଗ୍ରେସ ଓ ତିନିଟିରେ ଆମ ଆଦମି ପାର୍ଟି ଓ ଗୋଟିକରେ ଉଭୟ ଦଳ ଦ୍ୱାରା ମନୋନୀତ ଜଣେ ବ୍ୟକ୍ତିଙ୍କୁ ପ୍ରାର୍ଥୀ କରାଯିବ। ଉଭୟ ଦଳର ଭୋଟ ବ୍ୟାଙ୍କ୍‌ ଏକା ଭଳି ହୋଇଥିବା ହେତୁ ଏଭଳି ସହମତି ପ୍ରକାଶ ପାଉଥିବା କୁହାଯାଉଛି।