ଅହମଦାବାଦ, ସେପ୍ଟେମ୍ବର ୨୪ : ଗୁଜୁରାଟର ସୁରତର ହାଜିରାସ୍ଥିତ ଅଏଲ ଆଣ୍ଡ ନେଚୁରାଲ ଗ୍ୟାସ କର୍ପୋରେଶନ (ଓଏନଜିସି)ର କାରାଖାନାରେ ଆଜି ଭୋରରୁ ଅଗ୍ନିକାଣ୍ଡ ଘଟିଛି । ତେବେ ଏହି ଅଗ୍ନିକାଣ୍ଡରେ କୌଣସି ଜୀବନ କ୍ଷୟକ୍ଷତି ହୋଇ ନଥିବା ସୂଚନା ମିଳିଛି । କେଉଁ କାରଣରୁ କାରଖାନାରେ ନିଆଁ ଲାଗିଥିଲା, ତାହା ଜଣାପଡ଼ିନାହିଁ ।
ସୂଚନା ଅନୁସାରେ ଆଜି ଭୋର ପ୍ରାୟ ୩ଟାରେ ହାଜିରାସ୍ଥିତ ଓଏନଜିସିର କାରଖାନାରେ ନିଆଁ ଲାଗିଥିଲା । ସୂଚନା ମିଳିବା ପରେ ଅଗ୍ନିଶମ ବିଭାଗର ୧୨ଟି ଗାଡ଼ିରେ କର୍ମଚାରୀମାନେ ପହଂଚିଥିଲେ । ଏହି ସମୟରେ କଂପାନୀରେ କାର୍ଯ୍ୟରତ ଶ୍ରମିକ ଓ ଆଖପାଖ ଅଂଚଳରେ ରହୁଥିବା ଲୋକେ ଭୟଭୀତ ହୋଇଯାଇଥିଲେ । ୨ଟି ସ୍ଥାନରେ ନିଆଁ ଲାଗିଥିଲା । ଦୀର୍ଘ ସମୟ ଧରି ଉଦ୍ୟମ କରିବା ପରେ ନିଆଁ ଲିଭାଯାଇଛି । ତେବେ ଏହି ଅଗ୍ନିକାଣ୍ଡରେ କୌଣସି ଜୀବନକୁ କ୍ଷତି ପହଂଚାଇ ନାହିଁ । ପ୍ରଶାସନ, ପୋଲିସ ଘଟଣାସ୍ଥଳରେ ପହଂଚି ପରସ୍ଥିତିର ଅନୁଧ୍ୟାନ କରିଛନ୍ତି ।
ସୂଚନାଯୋଗ୍ୟ, ଓଏନଜିସି କାରଖାନାରେ ଅଗ୍ନିକାଣ୍ଡ ହେବା ଏହା ପ୍ରଥମ ଘଟଣା ନୁହେଁ । ପୂର୍ବରୁ ମଧ୍ୟ ମୁମ୍ବାଇରେ ଥିବା କଂପାନୀର ଏକ କାରଖାନାରେ ଅଗ୍ନିକାଣ୍ଡ ଘଟିଥିଲା । ଏହା ଗତ ବର୍ଷ ସେପ୍ଟେମ୍ବରର ଘଟଣା ।
Prasanta Patnaik