ଇସ୍ପାତ କାରଖାନାରୁ କପର ଚୋରି ଅଭିଯୋଗରେ ୪ ଗିରଫ

ରାଉରକେଲା, ୨୪ା୧୧ : ଇସ୍ପାତ କାରଖାନାରୁ କପର କେବୁଲ ଚୋରି ଅଭିଯୋଗରେ ଟାଙ୍ଗରପାଲି ପୁଲିସ ୪ ଜଣ ଚୋରଙ୍କୁ ଗିରଫ କରିଛି । ସେମାନଙ୍କାରୁ ଚୋରି କେବୁଲ ପୁଲିସ ଜବତ କରିଛି । ଚୋର ଦଳକୁ ପୁଲିସ କୋର୍ଟ ଚାଲାଣ କରିଛି । ଏହି ଚୋର ଦଳ ଗତକାଲି ଭୋର୍ ସମୟରେ କାରଖାନା ଭିତରେ ପଶିଥିଲେ । କାରଖାନାରୁ କପର ଚୋରି କରି ଫେରୁଥିଲା ବେଳେ ସେମାନେ ସିଆଇଏସ୍ଏଫ୍ ଯବାନଙ୍କ ହାତରେ ପଡ଼ିଥିଲେ ।

ସିଆଇଏସ୍ଏଫ୍ ଯବାନମାନେ ଚୋରଙ୍କୁ କାବୁ କରିଥିଲେ । ସେମାନଙ୍କଠାରୁ ୪୦ କେଜି କପର କେବୁଲ ପୁଲିସ ଜବତ କରିଛି । ଗିରଫ ହୋଇଥିବା ଚୋର ହେଲେ ମାଲଗୋଦାମର ମଣ୍ଟୁ ବାରିକ ଓ ପ୍ଲାଣ୍ଟ ସାଇଟ୍ର ଶାହାଜାନ ଖାଁ, ଏମ୍ଡି ମୁଦାଶିର ଓ ଏମ୍ଡି ରସିଦ ଆଲମ । ଏହି ଚୋର ଦଳକୁ ପୁଲିସ କୋର୍ଟ ଚାଲାଣ କରିଛି ।