ଲୋକଙ୍କ ସୁବିଧାକୁ ଦୃଷ୍ଟିରେ ରଖି ଏହି ପଦକ୍ଷେପ ନିଆଯାଇଥିବା ଭୁବନେଶ୍ୱର ବାର ଆସୋସିଏସନ ସଭାପତି ଦୁର୍ଗାମାଧବ ମିଶ୍ର ସୁଚନା ଦେଇଛନ୍ତି । ସେ କହିଛନ୍ତି ଯେ ସହମତି ଭିତିରେ ଆଜିଠାରୁ ଆଇନଜୀବୀମାନେ କୋର୍ଟ କାର୍ଯ୍ୟରେ ଯୋଗଦେବେ । ସଂଘ ନିଜର ସ୍ୱତନ୍ତ୍ରତା ବଜାୟ ରଖିବ । ଆଇନଜୀବୀ ଏକତା ରକ୍ଷା କରି ଆନ୍ଦୋଳନକୁ ପୂର୍ଣ୍ଣ ସମର୍ଥନ କରିବେ । କିନ୍ତୁ ଜନସାଧାରଣଙ୍କୁ ହଇରାଣ ନ କରିବା ପାଇଁ ଏହି ନିଷ୍ପତି ନିଆଯାଇଛି ।
ଓକିଲଙ୍କ ଆନ୍ଦୋଳନ ଆଜି ୭୭ ଦିନରେ ପହଂଚିଛି । ଆସନ୍ତାକାଲି ପର୍ଯ୍ୟନ୍ତ କାର୍ଯ୍ୟବନ୍ଦ ଜାରି ରହିବ । ଆସନ୍ତାକାଲି ଅପରାହ୍ନରେ ପରବର୍ତୀ ପରିଷଦ ବୈଠକ ବସିବା ପରେ ଆଗାମୀ କାର୍ଯ୍ୟପନ୍ଥା ଉପରେ ନିଷ୍ପତି ନିଆଯିବ ।
ସୂଚନାଯୋଗ୍ୟ କି, ଆଇନଜୀବୀ ଦେବୀପ୍ରସାଦ ପଟ୍ଟନାୟକଙ୍କ ଉପରେ ଆକ୍ରମଣ ଘଟଣାରେ ଦାୟର ହୋଇଥିବା ଜନସ୍ୱାର୍ଥ ମାମଲାର ଶୁଣାଣି ଗତକାଲି ହାଇକୋର୍ଟରେ ହୋଇଥିବାବେଳେ ପରବର୍ତୀ ଶୁଣାଣି ଆଜି ହେବ । ଅକ୍ଟୋବର ୩୦ରେ କୋର୍ଟ ଏହି ମାମଲାର ଶୁଣାଣି କରି ନଭେମ୍ବର ୯ ତାରିଖ ସୁଦ୍ଧା ତଦନ୍ତ ଶେଷ କରିବାକୁ କ୍ରାଇମବ୍ରାଂଚକୁ ନିର୍ଦ୍ଦେଶ ଦେଇଥିଲେ ।
Prasanta Patnaik