ରାଉରକେଲା, ୧୫ା୧: ଛେଣ୍ଡ ସ୍ଥିତ ମିନି ଡୁପ୍ଲେକ୍ସ ଷ୍ଟାଡିୟମ ଠାରେ ଆରମ୍ଭ ହୋଇଥିବା ୬ଷ୍ଠ ଏସ୍ଏନ୍ ପଟ୍ଟନାୟକ ରିମ୍ସ କ୍ରିକେଟ୍ ଟୁର୍ଣ୍ଣାମେଣ୍ଟର ୪ର୍ଥ ଦିବସରେ ଆଜି ୨ଟି ମ୍ୟାଚ୍ ଅନୁଷ୍ଠିତ ହୋଇଥିଲା । ପ୍ରଥମ ମ୍ୟାଚ୍ରେ ୟୁଜିଆଇଇ ଓ ଏସ୍କେଡିଏଭି ମଧ୍ୟରେ ଅନୁଷ୍ଠିତ ହୋଇଥିଲା । ଏସ୍କେଡିଏଭି ଦଳ ଟସ୍ ଜିତି ପ୍ରଥମେ ବ୍ୟାଟିଂ କରି ସମସ୍ତ ୱିକେଟ୍ ହରାଇ ମାତ୍ର ୯୭ ରନ୍ ସ୍କୋର କରିଥିଲା । ଏହାର ଜବାବରେ ୟୁଜିଆଇଇ ଦଳ ମ୍ୟାଚ୍କୁ ୪ ୱିକେଟ୍ରେ ଜିତି ଯାଇଥିଲା । ସେହିପରି ୨ୟ ମ୍ୟାଚ୍ ଗୁରୁନାନକ ପବ୍ଲିକ୍ ସ୍କୁଲ ଓ ଦେସୁଟା ଦଳ ମଧ୍ୟରେ ଅନୁଷ୍ଠିତ ହୋଇଥିଲା ।
ଏହି ମ୍ୟାଚ୍ ଅତ୍ୟନ୍ତ ରୋମାଞ୍ଚକର ଥିଲା । ଦେସୁଟା ଟସ୍ ଜିଣି ପ୍ରଥମେ ବ୍ୟାଟିଂ କରି ୯ ୱିକେଟ୍ ହରାଇ ୧୨୧ ରନ୍ ସ୍କୋର କରିଥିଲା । ଏହାର ଜବାବରେ ଗୁରୁନାନକ ପବ୍ଲିକ୍ ସ୍କୁଲ ଦଳ ୮ ୱିକେଟ୍ ହରାଇ ୧୨୦ ରନ୍ ସ୍କୋର କରି ୧ ରନ୍ରେ ପରାଜିତ ହୋଇଥିଲା । ୟୁଜିଆଇଇର ଅଭିଷେକ ମିଶ୍ର ସର୍ବୋଚ୍ଚ ୧୮ ରନ୍ କରିଥିବା ବେଳେ ଏସ୍କେଡିଏଭିର ସୁଧୀର ୧୭ ରନ୍ ସ୍କୋଲ କରିଥିଲେ । ଦେସୁଟାର ଆଶିଷ ସର୍ବୋଚ୍ଚ ୪୪ ରନ୍ ଓ ଗୁରୁନାନକ ପବ୍ଲିକ୍ ସ୍କୁଲର ଶୁଭସ୍ମିତ ସର୍ବୋଚ୍ଚ ୩୪ ରନ୍ ସ୍କୋର୍ କରିଥିଲେ । ଆଜିର ମ୍ୟାଚ୍କୁ ପ୍ରଫେସର ସିଦ୍ଧାର୍ଥ ଶଙ୍କର ପ୍ରଧାନ ଓ ପ୍ରଫେସର ରାଜେଶ ମହାନ୍ତି ପରିଚାଳନା କରିଥିବା ବେଳେ ଜି.କେ. ଦାସ ଏଥିରେ ସହଯୋଗ କରିଥିଲେ । ରୋଶନ ସିଂହ, ବିଜୟ ସେଠୀ ଓ ଲକ୍ଷ୍ମୀକାନ୍ତ ରଣା ଅମ୍ପାୟାର ଭାବେ ମ୍ୟାଚ୍ ପରିଚାଳନା କରିଥିଲେ ।
Prasanta Patnaik