ୱାଶିଂଟନ, ଅଗଷ୍ଟ ୧୧ : ହ୍ୱାଇଟ ହାଉସ ବାହାରେ ଗୁଳିକାଣ୍ଡ ଘଟଣା ଘଟିଛି । ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହି ସୂଚନା ଦେଇଛନ୍ତି । ସେ କହିଛନ୍ତି ହ୍ୱାଇଟ ହାଉସ ବାହାରେ ଗୁଳିକାଣ୍ଡ ହୋଇଥିବା ସୂଚନା ମିଳିଛି । ମାତ୍ର ଏବେ ସ୍ଥିତି ନିୟନ୍ତ୍ରଣରେ ଅଛି । ସିକ୍ରେଟ ସର୍ଭିସ ଅଧିକାରୀ ତୁରନ୍ତ କାର୍ଯ୍ୟାନୁଷ୍ଠାନ ନେଇଛନ୍ତି । ଗୁଳିମାଡ଼ କରିଥିବା ଦୁର୍ବୃତ୍ତଙ୍କୁ ନିଜ ଅଧିନକୁ ନେଇ ସାରିଛନ୍ତି । ସେ କହିଛନ୍ତି ଯେ, ଗୁଳିକାଣ୍ଡ କରିଥିବା ବ୍ୟକ୍ତି ଗୁଳିରେ ଆହତ ହୋଇଛନ୍ତି । ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ଏଥି ସହିତ ଟ୍ରମ୍ପ ସିକ୍ରେଟ ସର୍ଭିସର ଅଧିକାରୀଙ୍କୁ ଧନ୍ୟବାଦ ଜଣାଇଛନ୍ତି ।
ସୂଚନା ଅନୁସାରେ ଆମେରିକାରେ ହ୍ୱାଇଟ ହାଉସ ବାହାରେ ଗୁଳିମାଡ଼ ସଂପର୍କିତ ସୂଚନା ନିଜେ ରାଷ୍ଟ୍ରପତି ଦେଇଛନ୍ତି । କୁହାଯାଉଛି ଯେ, ଟ୍ରମ୍ପ ଗଣମାଧ୍ୟମ ସହିତ ଆଲୋଚନା କରିବାର ଥିଲା । ଗୁଳିମାଡ଼ ଯୋଗୁଁ ଏହା ପ୍ରଭାବିତ ହୋଇଛି । ତାଙ୍କୁ କିଛି ସମୟ ଲାଗି ପୋଡିୟମରୁ ଓହ୍ଲାଇବାକୁ କୁହାଯାଇଥିଲା । ମାତ୍ର ଗୁଇନ୍ଦା ସେବା ସହିତ ଜଡ଼ିତ ଅଧିକାରୀମାନେ ଅଭିଯୁକ୍ତକୁ ଗୁଳିକରି ଥିଲେ, ଯେଉଁଥିରେ କି ସେ ଆହତ ହୋଇଥିଲା ।