ନୂଆଦିଲ୍ଲୀ : ହିଟ୍ ଆଣ୍ଡ ରନ୍ ମାମଲାକୁ ନେଇ ଦିଲ୍ଲୀ ପୁଲିସ ରେଡିଓ ଜକି ଅଙ୍କିତ ଗୁଲାଟିଙ୍କୁ ଗିରଫ କରିନେଇଛି । ଅଙ୍କିତ ଲୋକ ଜନଶକ୍ତି ନେତା ଧୀରଜ କୁମାରଙ୍କୁ ନିଜ କାରରେ ଧକ୍କା ଦେଇଥିବା ବେଳେ ପରେ ତାଙ୍କର ମୃତ୍ୟୁ ହୋଇଥିଲା । ଜୁନ୍ ୨୩ରେ ଏହି ଘଟଣା ଘଟିଥିବା ବେଳେ ଶୁକ୍ରବାର ଅଙ୍କିତଙ୍କ ବାସଭବନରୁ ତାଙ୍କୁ ଗିରଫ କରିଛି ପୁଲିସ ।
ପୁଲିସ ଦେଇଥିବା ସୂଚନା ମୁତାବକ, ଜୁନ୍ ୨୩ରେ ଅଙ୍କିତ ଅଶୋକା ହୋଟେଲରୁ ଫେରୁଥିବା ବେଳେ ଏହି ଦୁର୍ଘଟଣା ଘଟିଥିଲା । ଦୁର୍ଘଟଣା ପରେ ଧୀରଜଙ୍କୁ ଡ଼ାକ୍ତରଖାନା ନେବା ପରିବର୍ତ୍ତେ, ତାଙ୍କୁ ସେଠାରେ ଛାଡ଼ି ଚାଲି ଯାଇଥିଲେ ଅଙ୍କିତ । ପରେ ଧୀରଜଙ୍କୁ ରାମ ମନୋହର ଲୋହିଆ ଡ଼ାକ୍ତରଖାନାକୁ ନିଆ ଯାଇଥିଲେ ମଧ୍ୟ ସେଠାରେ ତାଙ୍କର ମୃତ୍ୟୁ ଘଟିଥିଲା ।
ଶୁକ୍ରବାର ଅଙ୍କିତଙ୍କୁ ଗିରଫ କରାଯାଇ ଦୁର୍ଘଟଣାର କାରଣ ପଚରାଯିବା ପରେ, ଗାଡ଼ି ଚଳାଉଥିବା ସମୟରେ ଗୁଗଲ ମ୍ୟାପ୍ ବ୍ୟବହାର କରୁଥିଲି । ଯାହା ପାଇଁ ରାସ୍ତା ଉପରୁ କିଛି ସମୟ ପାଇଁ ଧ୍ୟାନ ହଟି ଯାଇଥିଲା । ସେହି ସମୟରେ ହଠାତ ଧୀରଜ ଗାଡ଼ି ଆଗକୁ ଆସିଯିବାରୁ ଦୁର୍ଘଟଣା ଘଟିଥିଲା ବୋଲି ସେ କହିଛନ୍ତି ।
Prasanta Patnaik