ସିବିଆଇ ଦ୍ୱାରା ରାଫେଲ ଚୁକ୍ତି ଯାଂଚ୍ ମାମଲା: ସୁପ୍ରିମକୋର୍ଟ କହିଲେ ପ୍ରଥମେ ଯାଂଚ ଏଜେନ୍ସିକୁ ନିଜ ଘର ସମ୍ଭାଳିବାକୁ ଦିଅ

ପ୍ରଧାନ ବିଚାରପତି ରଂଜନ ଗୋଗାଇଙ୍କ ଅଧ୍ୟକ୍ଷତାରେ ଗଠିତ ପୀଠ ଅଧିବକ୍ତା ପ୍ରଶାନ୍ତ ଭୂଷଣଙ୍କୁ କହିଛନ୍ତି କି, ପ୍ରଥମେ ଏହି ସର୍ବୋଚ୍ଚ ଯାଂଚ ଏଜେନ୍ସିକୁ ନିଜର ଘର ଠିକ କରିବା ଦରକାର ।

ଖଣ୍ଡପୀଠଙ୍କ ଏହି ଟିପ୍ପଣୀ ସେହି ସମୟରେ ସାମ୍ନାକୁ ଆସିଛି ଯେତେବେଳେ ରାଫେଲ ପ୍ରସଙ୍ଗରେ ଅଧିବକ୍ତା ପ୍ରଶାନ୍ତ ଭୂଷଣ ଏବଂ ପୂର୍ବ କେନ୍ଦ୍ରମନ୍ତ୍ରୀ ଅରୁଣ ସୌରୀ ଏବଂ ଯଶୋବନ୍ତ ସିହ୍ନା ମାମଲାର ଶୁଣାଣି କରୁଥିଲେ । ସେ ନିଜ ଯାଚିକାରେ ରାଫେଲ ଚୁକ୍ତିର ଯାଂଚ କୋର୍ଟଙ୍କ ପ୍ରତ୍ୟକ୍ଷ ତତ୍ୱାବଧାନରେ ସିବିଆଇ ଦ୍ୱାରା କରିବା ପାଇଁ ଆବେଦନ କରିଥିଲେ ।

ସୂଚନାଯୋଗ୍ୟ କି, ମାନ୍ୟବର ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ଫ୍ରାନ୍ସ ଠାରୁ କିଣାଯିବାକୁ ଥିବା ୩୬ଟି ଲଢୁଆ ବିମାନର ମୂଲ୍ୟର ସମ୍ପର୍ଣ୍ଣ ବିବରଣୀ ୧୦ଦିନ ମଧ୍ୟରେ ବନ୍ଦ ଲଫାପାରେ ପ୍ରଦାନ କରିବାକୁ ନିର୍ଦ୍ଦେଶ ଦେଇଛନ୍ତି ।