332 Views
ଚାକିରୀ ସର୍ତ୍ତାବଳୀ ଲାଗୁ ସହ ପୂର୍ଣ ଅନୁଦାନ ଦାବିରେ ତାଲା ବନ୍ଦ ଆନ୍ଦୋଳନ ପରେ ଆଜିଠାରୁ ଓଡିଶା ସ୍କୁଲ କଲେଜ ଶିକ୍ଷକ ଅଧ୍ୟାପକ ମିଳିତ ମଞ୍ଚର ଆହ୍ୱାନ କ୍ରମେ ଆଜି ମାଲକାନଗିରି ଜିଲ୍ଲାର ଶିକ୍ଷକ ଓ ଅଧ୍ୟାପକ ମାନଙ୍କ ପଞ୍ଚାୟତ ପଦଯାତ୍ରା ଅନୁଷ୍ଠିତ ହୋଇଯାଇଛି।
ମିଳିତ ମଞ୍ଚ ମାଲକାନଗିରି ଜିଲ୍ଲା ଆବାହକ ଦୁଷ୍ମନ୍ତ ଜେନାଙ୍କ ନେତୃତ୍ୱରେ ଶତାଧିକ ଶିକ୍ଷକ ଓ ଅଧ୍ୟାପକ ଯୋଗ ଦେଇ ଏକ ଶୋଭା ଯାତ୍ରାରେ ସ୍ଥାନୀୟ ମହିଳା ମହାବିଦ୍ୟାଳୟ ଠାରୁ ବାହାରି ବିଭିନ୍ନ ପଞ୍ଚାୟତ ପଦଯାତ୍ରା କରିଥିଲେ।
ପ୍ରଥମେ ପିଟାଗାଟା ଓ ପରେ ମାରିୱାଡ଼ା ପଞ୍ଚାୟତରେ ଏହି ଶିକ୍ଷକ ଓ ଅଧ୍ୟାପକ ମାନେ ପଦଯାତ୍ରା କରି ସରକାରଙ୍କ ଉଦାସୀନତା ନୀତି ସମ୍ପର୍କରେ ଲୋକଙ୍କୁ ଅବଗତ କରିଥିଲେ। ଏଥିସହ ଜିଲ୍ଲାର ଶିଖପାଲୀ ପଞ୍ଚାୟତରେ ମଧ୍ୟ ପଦଯାତ୍ରା ଅନୁଷ୍ଠିତ ହୋଇଯାଇଛି। ଜିଲ୍ଲାର ୨୬ଟି ଉଚ୍ଚ ବିଦ୍ୟାଳୟ ଓ ୧୩ଟି ମହାବିଦ୍ୟାଳୟ ଏଥିପାଇଁ ବନ୍ଦ ରହିଛି।
ଏହାଦ୍ବାରା ବିଦ୍ୟାଳୟ ୬ହଜାର ଓ ମହାବିଦ୍ୟାଳୟ ୪ହଜାର ଛାତ୍ର ଛାତ୍ରୀ ପ୍ରଭାବିତ ହୋଇଛନ୍ତି। ଏହି ପଦଯାତ୍ରା ମଞ୍ଚର ସଭାପତି ସରୋଜ ପାତ୍ର, ସମ୍ପାଦକ ଅଜୟ ସ୍ୱାଇଁଙ୍କ ସମେତ ଶତାଧିକ ଶିକ୍ଷକ ଓ ଅଧ୍ୟାପକ ଅଂଶ ଗ୍ରହଣ କରିଥିଲେ।
Prasanta Patnaik 
amfnews