ଲଦ୍ଦାଖରେ ଜାତୀୟ ପତାକା ଉଡାଇଲେ ଇଣ୍ଡୋ-ତିବତୀୟ ବୋର୍ଡର ପୋଲିସର ଯବାନ

ନୂଆଦିଲ୍ଲୀ, ଜାନୁଆରୀ ୨୬ : ପୂର୍ବ ଲଦ୍ଦାଖରେ ଗତବର୍ଷ ମେ’ ମାସ ଠାରୁ ଭାରତ ଓ ଚୀନ ସେନା ମଧ୍ୟରେ ଉତ୍ତେଜନା ଜାରି ରହିଛି । ଏହାରି ମଧ୍ୟରେ୨ ଦେଶ ମଧ୍ୟରେ ୯ଥ ସେନା ସ୍ତରୀୟ ଆଲୋଚନା ହୋଇସାରିଛି । କିନ୍ତୁ ଉତ୍ତେଜନା ହ୍ରାସ ପାଇ ନାହିଁ । ଆଜି ୭୨ତମ ସାଧାରଣତନ୍ତ୍ର ଦିବସ ଅବସରରେ ଇଣ୍ଡୋ ତିବତୀୟ ବୋର୍ଡର ପୋଲିସର ଯବାନମାନେ ପୂର୍ବ ଲଦ୍ଦାଖରେ ଜାତୀୟ ପତାକା ଉଡାଇଛନ୍ତି । 

ଭାରତୀୟ ଯବାନମାନଙ୍କୁ ପ୍ରବଳ ଶୀତ ଓ ତୁଷାରପାତ ଅଟକାଇପାରି ନାହିଁ । ଯବାନମାନେ ବରଫ ଉପରେ ଛିଡ଼ା ହୋଇ ଭାରତ ମାତାର ସୁରକ୍ଷା ପାଇଁ ଶ୍ଲୋଗାନ ଦେଇଛନ୍ତି । ଲଦ୍ଦାଖରେ ଆଇଟିବିପିର ଯବାନମାନେ ଉତ୍ସାହର ସହିତ ତ୍ରିରଙ୍ଗା ଉଡାଇଛନ୍ତି । ପତାକା ଉତ୍ତୋଳନ ସମୟରେ ଯବାନମାନଙ୍କ ଦେଶାତ୍ମବୋଧକ ସ୍ଲୋଗାନ ସୋସିଆଲ ମିଡିଆରେ ଭାଇରାଲ ହୋଇଛି । ଏହାକୁ ଯେକୌଣସି ବ୍ୟକ୍ତି ଦେଖିବେ ନିଶ୍ଚିତ ଭାବେ ଦେଶ ପାଇଁ ଗର୍ବ ଓ ଗୌରବ ଅନୁଭବ କରିବେ ।