ଲଣ୍ଡନରେ ମୋଦିଙ୍କ ଲାଇଭ୍ ସୋ ଭାରତ୍ କୀ ବାତ୍ ସବ୍ କେ ସାଥ୍, ବିଭିନ୍ନ ପ୍ରଶ୍ନର ଉତ୍ତର ରଖିଲେ ମୋଦି

ମୋଦିଙ୍କ ଟାର୍ଗେଟ୍ରେ ପୁଣି ପାକିସ୍ତାନ । କହିଲେ ପଛପଟୁ ଯଦି ପାକିସ୍ତାନ ଆକ୍ରମଣ କରେ ତେବେ ଚୁପ୍ ରହିବନି ଭାରତ । ଭାରତକୁ ଜଣା ଯେସାକୁ ତେସା ନୀତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଲଣ୍ଡନର ୱେଷ୍ଟମିନିଷ୍ଟର ସେଣ୍ଟ୍ରାଲ ହଲ୍ରେ ଏକ ବଡ ଲାଇଭ ସୋ କରିଛନ୍ତି । ଏହି ସୋ’ର ନାଁ ରହିଛି ଭାରତ୍ କି ବାତ୍, ସବ୍ କେ ସାଥ୍ । ଏହି କାର୍ଯ୍ୟକ୍ରମ ଦ୍ୱାରା ବିଶ୍ୱର ଭିନ୍ନ ଭିନ୍ନ କୋଣରୁ ଲୋକମାନଙ୍କ ପ୍ରଶ୍ନର ଉତ୍ତର ରଖିଛନ୍ତି ମୋଦି । ମୋଦି ବ୍ରିଟେନ୍ର ମହାରାଣୀ ଦ୍ୱିତୀୟ ଏଲିଜାବେଥ୍ଙ୍କୁ ସାକ୍ଷାତ କରିଥିଲେ । ଏହାସହ ନିଜ ବ୍ରିଟିସ୍ ପ୍ରତିପକ୍ଷ ଥେରେସା ମେ’ଙ୍କୁ ସାକ୍ଷାତ କରି ମୋଦି ଆତଙ୍କବାଦ, ଭିସା ଓ ଇମିଗ୍ରେସନ ବାବଦରେ ଆଲୋଚନା କରିଥିଲେ । ମୋଦି ୟୁରୋପର ୫ ଦିନିଆ ଗସ୍ତରେ ଯାଇ ଶେଷ ପର୍ଯ୍ୟାୟରେ ଜର୍ମାନ ଗସ୍ତ କରିବେ ।