ଲଗାଣ ବର୍ଷା ଯୋଗୁଁ କାନ୍ଥ ଭୁଷୁଡି ମହିଳା ମୃତ

ମୟୁରଭଞ୍ଜ ଜିଲ୍ଲାରେ ଗତକାଲି ଠାରୁ ପ୍ରବଳ ଲଗାଣ ବର୍ଷା ଯୋଗୁଁ ଶୁକୃଳି ବ୍ଳକ ଅନ୍ତର୍ଗତ ମହିଳାସୁଳି ଗାଁ ରେ ଘରର କାନ୍ଥ ପଡି ଜଣଙ୍କର ମୃତ୍ୟୁ ହୋଇଥିବା ବେଳେ ଆଉ ଜଣେ ଗୁରୁତର ହୋଇଛି । ଗୁରୁତରକୁ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି । ମା ଝିଅ ଘରେ ଶୋଇଥିବା ବେଳେ ଆଜି ଭୋର ୪ ଟା ସମୟରେ ଏହି ଅଘଟଣ ଘଟିଥିଲା । ଏଥିରେ ଉଭୟେ ମାଟି ତଳେ ପୋତି ହୋଇଯାଇଥିଲେ । ଗାଁ ଲେକମାନେ ଦୁଇ ଜଣକୁ ଉଦ୍ଧାର କରିଥିଲେ । ଜଣଙ୍କୁ ଗୁରୁତର ଅବସ୍ଥାରେ ଡାକ୍ତରଖାନାରେ ଭର୍ତ୍ତି କରିଥିବା ବେଳେ ଅନ୍ୟଜଣେ ଘଟଣା ସ୍ଥଳରେ ହିଁ ଜଣେ ମୃତ୍ୟୁ ବରଣ କରିଥିଲେ । ମୃତକ ମହିଳା ଜଣଙ୍କ ର ବୟସ ୬୦ ବର୍ଷରୁ ଉର୍ଦ୍ଧ୍ୱ ହେବ । ଏହି ଘଟଣା ପରେ ଗ୍ରାମରେ ଶୋକର ଛାୟା ଖେଳିଯାଇଛି ।