ମୁମ୍ବାଇ, ସେପ୍ଟେମ୍ବର ୦୯ : ସ୍ୱଗୀୟ ବଲିଉଡ ଅଭିନେତା ସୁଶାନ୍ତ ସିଂହ ରାଜପୁତ ମାମଲା ସହିତ ଜଡ଼ିତ ରିୟା ଚକ୍ରବର୍ତ୍ତୀ ମଙ୍ଗଳବାର ଗିରଫ ହୋଇଛନ୍ତି । ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ (ଏନସିବି)ର ଟିମ ରିୟାଙ୍କୁ ଗିରଫ କରିବା ପରେ ୧୪ ଦିନିଆ ନ୍ୟାୟିକ ହିରାସତ ପଠାଇଛନ୍ତି । କିନ୍ତୁ ରିୟାଙ୍କ ପ୍ରଥମ ରାତି ଏନସିବିର ଲକଅପରେ ବିତିଛି ।
ଜାତୀୟ ଗଣମାଧ୍ୟମକୁ ମିଳିଥିବା ସୂତ୍ର ଅନୁସାରେ ଏନସିବି ଆଜି ରିୟା ଚକ୍ରବର୍ତ୍ତୀଙ୍କୁ ଜେଲକୁ ନେବ । ରିୟା ଚକ୍ରବର୍ତ୍ତୀ ସେସନ କୋର୍ଟରେ ଜାମିନ ପାଇଁ ଆବେଦନ କରିପାରନ୍ତି । ସୂଚନାଯୋଗ୍ୟ, ରିୟା ଚକ୍ରବର୍ତ୍ତୀ ଡ୍ରଗ୍ସ ନେବା, ସୁଶାନ୍ତଙ୍କୁ ଡ୍ରଗ୍ସ ଦେବା ସହିତ ଅନେକ ଅଭିଯୋଗ ହୋଇଛି । ମଙ୍ଗଳବାର ତାଙ୍କୁ ୩ ଘଣ୍ଟା ପଚରାଉଚରା କରିବା ପରେ ଏନସିବି ଗିରଫ କରିଛି । ଏନସିବିର ଜୋନାଲ ଡାଇରେକ୍ଟର ସମୀର ୱନଖେଡେ ମଙ୍ଗଳବାର ନିଜର ବୟାନରେ କହିଥିଲେ ଯେ, କୋର୍ଟ ରିୟା ଚକ୍ରବର୍ତ୍ତୀଙ୍କୁ ସେପ୍ଟେମ୍ବର ୨୨ ପର୍ଯ୍ୟନ୍ତ ନ୍ୟାୟିକ ହିରାସତରେ ରହିବାକୁ ନିର୍ଦ୍ଦେଶ ଦେଇଛନ୍ତି । ବୁଧବାର ସକାଳୁ ରିୟାଙ୍କୁ ଜେଲ ପଠାଯିବ ।
Prasanta Patnaik