ମୁମ୍ବାଇ , ଜାନୁଆରୀ ୦୪ : ବଲିଉଡର ଲୋକପ୍ରିୟ ନିର୍ଦ୍ଦେଶକ ରୋହିତ ସେଟ୍ଟିଙ୍କ ଫିଲ୍ମ ‘ସିମ୍ବା’ ବକ୍ସ ଅଫିସରେ ଧମାଲ୍ କରିଛି। ଏହା ମାତ୍ର ୬ ଦିନରେ ୧୦୦ କୋଟିରୁ ଅଧିକ ଆୟ କରିଲାଣି। ‘ସିମ୍ବା’ ହେଉଛି ରୋହିତଙ୍କର କ୍ରମାଗତ ଭାବେ ନବମ ଫିଲ୍ମ ଯାହା ଶହେ କୋଟି କ୍ଲବ୍ରେ ସାମିଲ ହୋଇଛି।
ରଣବୀର ସିଂହ, ସାରା ଅଲ୍ଲୀ ଖାନ୍ ଓ ଅଜୟ ଦେବଗନଙ୍କ ଅଭିନୀତ ‘ସିମ୍ବା’ ପୂର୍ବରୁ ନିର୍ଦ୍ଦେଶକ ରୋହିତ ସେଟ୍ଟିଙ୍କର ଆଗରୁ ଯେଉଁ ଫିଲ୍ମ ଶହେ କୋଟି କ୍ଲବରେ ସାମିଲ ହୋଇଛି, ସେଥିମଧ୍ୟରେ ରହିଛି ଦିଲଓ୍ଵାଲେ, ଗୋଲମାଲ୍ ୩, ସିଂଘମ୍, ବୋଲବଚ୍ଚନ, ଚେନ୍ନାଇ ଏକ୍ସପ୍ରେସ୍, ଗୋଲମାଲ ଏଗେନ୍ ଓ ସିଂଘମ୍ ରିଟର୍ଣ୍ଣସ।
ରୋହିତ ସେଟ୍ଟି ଅଜୟ ଦେବଗନଙ୍କ ଅଭିନୀତ ‘ଜମିନ୍’ରୁ ନିର୍ଦ୍ଦେଶକ ଭାବେ କ୍ୟାରିଅର ଆରମ୍ଭ କରିଥିଲେ। ତାଙ୍କ ନିର୍ଦ୍ଦେଶିତ ‘ଚେନ୍ନାଇ ଏକ୍ସପ୍ରେସ’ ଓ ‘ଦିଲଓ୍ଵାଲେ’ ବ୍ୟତୀତ ଅନ୍ୟ ସବୁ ସିନେମାରେ ଅଜୟ ଦେବଗନଙ୍କୁ ଦେଖିବାକୁ ମିଳିଛି।ରୋହିତ ସେଟ୍ଟି ନିଜର ବକ୍ସ ଅଫିସ୍ ରେକର୍ଡ ଠିକ୍ ରଖିବାରେ ପୁଣି ଥରେ ସଫଳ ହୋଇଛନ୍ତି।
Prasanta Patnaik