ରାୟପୁରରେ କ୍ରାଇମବ୍ରାଞ୍ଚକୁ ଡେମୋ ଦେଖାଇବ ଅପରାଧୀ ପୁଞ୍ଜିଲାଲ

ପୁଞ୍ଜିଲାଲର ମାରାଥନ ଜେରା ଦ୍ୱିତୀୟ ପର୍ୟ୍ୟାୟରେ ଚତୁର୍ଥ ଦିନରେ ଆସି ପହଞ୍ଚିଛି । ଆସନ୍ତାକାଲି ରିମାଣ୍ଡର ଶେଷ ଦିନ ଥିବା ବେଳେ ୭ ତାରିଖ ସାଢେ ୧୨ଟା ପୂର୍ବରୁ ପୁଞ୍ଜିଲାଲକୁ କୋର୍ଟରେ ହାଜର କରିବ କ୍ରଇମବ୍ରାଞ୍ଚ । ଅନ୍ୟପକ୍ଷରେ ଆଜି ପୁଞ୍ଚିଲାଲକୁ କଂଟାବାଞ୍ଝିରୁ ରାୟପୁର ନିଆଯାଇଛି। କ୍ରାଇମବ୍ରାଞ୍ଚ ଆଇଜି ଅରୁଣ ବୋଥ୍ରା ମଧ୍ୟ ସାଙ୍ଗରେ ଅଛନ୍ତି।
ଅପରାଧ ରଚିବାକୁ ଜାଲ ବିଛାଇଥିବା ସ୍ଥାନର ପର୍ଦ୍ଦାଫାସ କରିବାକୁ କ୍ରାଇମବ୍ରାଞ୍ଚ ତନାଘନା ଜାରି ରଖିଛି । ପୁଞ୍ଚିଲାଲ ଆଜି ରାୟପୁରରେ ତା ଅପରାଧର ଡେମୋ ଦେଖାଇବ। ଡେମୋର ଭିଡିଓଗ୍ରାଫି ପ୍ରସ୍ତୁତ କରିବା ସହ ଏହାକୁ ଆସନ୍ତା ୭ ତାରିଖରେ କୋର୍ଟରେ କ୍ରାଇମବ୍ରାଞ୍ଚ ଦାଖଲ କରିବା ନେଇ ସୂଚନା ରହିଛି। କ୍ରାଇମବ୍ରାଞ୍ଚର ତିନୋଟି ଟିମ ମଧ୍ୟ ଏହି ଘଟଣାରେ ତଥ୍ୟ ସଂଗ୍ରହ କରୁଥିବା ଜଣାପଡ଼ିଛି।
ଗତକାଲି କ୍ରାଇମବ୍ରାଞ୍ଚ ଆଇଜି ଶ୍ରୀ ବୋଥ୍ରାଙ୍କ ଉପସ୍ଥିତିରେ ପୁଞ୍ଜିଲାଲକୁ କଣ୍ଟାବାଞ୍ଝି ପିଡବଲ୍ୟୁଡି ଆଇବିରେ ଜେରା କରାଯାଇଥିଲା । ପୁଞ୍ଜିଲାଲଙ୍କ ସ୍ତ୍ରୀ ଓ ମାଆଙ୍କୁ ମଧ୍ୟ ପଚରାଉଚରା କରାଯାଇଥିଲା।