ଯୁବପିଢିଙ୍କୁ ବସ୍ତା ବିଧାୟକଙ୍କ ଫିଟନେସ୍ ମନ୍ତ୍ର : ୭୫ ବର୍ଷ ବୟସରେ ବି ଫିଟ୍ ରହିବେ କେମିତି

ବସ୍ତା : କଥାରେ ଅଛି ସ୍ୱାସ୍ଥ୍ୟ ହିଁ ସମ୍ପଦ,ସ୍ୱାସ୍ଥ୍ୟ ଭଲ ଥିଲେ ସବୁ ରହିବ ଭଲ । ତେଣୁ ସୁସ୍ଥ ଏବଂ ଫିଟ୍ ରହିବା ପାଇଁ ବ୍ୟାୟାମ କରିବା ନିତ୍ୟାନ୍ତ ଆବଶ୍ୟକ । ଯୁବପିଢି  ନିଜର ସ୍ୱାସ୍ଥ୍ୟକୁ ସୁନ୍ଦର ଭାବେ ଗଢି ତୋଳିବା ପାଇଁ ବ୍ୟାୟାମଶାଳାରେ ଘଣ୍ଟା ଘଣ୍ଟା ସମୟ ଅତିବାହିତ କରୁଛନ୍ତି ଆଉ ଏଥିରୁ ବାଦ ପଡି ନାହାନ୍ତି ବସ୍ତା ବିଧାୟକ ନିତ୍ୟାନନ୍ଦ ସାହୁ । ୭୫ ବର୍ଷ ବୟସରେ ବି ନିଜକୁ ଫିଟ୍ ରଖିବା ପାଇଁ ସେ  ବ୍ୟାୟାମ କରୁଛନ୍ତି ।

ବାଲେଶ୍ୱର ଜିଲ୍ଲା ବସ୍ତା ବ୍ଲକ ମୁକୁଳିସି ପଞ୍ଚାୟତରେ ପ୍ରତିଷ୍ଠା ହୋଇଥିବା ବ୍ୟାୟାମଶାଳାରେ ଦେଖିବାକୁ ମିଳିଥିଲା ବସ୍ତା ବିଧାୟକ ନିତ୍ୟାନନ୍ଦ ସାହୁଙ୍କୁ । ୭୫ ବର୍ଷ ବୟସରେ ମଧ୍ୟ ନିଜକୁ ଫିଟ ରଖିବା ପାଇଁ ପ୍ରତିଦିନ ସକାଳ ଏବଂ ସନ୍ଧ୍ୟାରେ ବ୍ୟାୟାମଶାଳାରେ ଝାଳ ବୁହାଉଛନ୍ତି ବିଧାୟକ । ନିଜର ପାରମ୍ପରିକ ପୋଷାକ ଧୋତି ଓ ପଞ୍ଜାବୀ ପିନ୍ଧି ପ୍ୟାଡେଲ୍ସ,ବଟରଫ୍ଲାୟ ,ଡମ୍ବଲ୍ସ ମାରିବା ସହିତ ମେସିନ ସାହାଯ୍ୟରେ ବିଭିନ୍ନ ପ୍ରକାର ବ୍ୟାୟାମ କରୁଛନ୍ତି ନିତ୍ୟାନନ୍ଦ । ଆଉ ଏହା କରିବା ଦ୍ୱାରା ଶରୀର ସୁସ୍ଥ ରହିବା ସହିତ ରୋଗ ପ୍ରତିଷେଧକ ଭଳି କାମ କରିବ ବୋଲି ଫିଟନେସ୍ ମନ୍ତ୍ର ଦେଉଛନ୍ତି ବିଧାୟକ ।

ତେବେ ଯଦି ପ୍ରତି ପଞ୍ଚାୟତରେ ଏଭଳି ଦେୟ ମୁକ୍ତ ବ୍ୟାୟାମଶାଳା ନିର୍ମାଣ କରାଯାଇପାରନ୍ତା ତାହା ହେଲେ ଗ୍ରାମାଞ୍ଚଳର ଲୋକେ ଏହାଦ୍ୱାରା ବେଶ୍ ଉପକୃତ ହୋଇ ପାରନ୍ତେ ବୋଲି ବୃଦ୍ଧିଜୀଜୀମାନେ ମତ ଦେଇଛନ୍ତି ।