ମୋ’ ବୁଥ୍ ମୋ’ ଗୌରବ ଓ ମିଶନ ଶକ୍ତି କାର୍ଯ୍ୟକ୍ରମ ଅନୁଷ୍ଠିତ

ରାଉରକେଲା, ୧୬ା୧୦  : ଆଜି ଅପରାହ୍ନ ୫ଟା ବେଳେ ରେଲୱେ କଲୋନୀ ସ୍ଥିତ ବିବେକାନନ୍ଦପାଲୀ ବୁଥ୍ ନଂ.୯୫, ୯୭, ୯୮ରେ ମୋ’ ବୁଥ୍ ମୋ’ ଗୌରବ ଓ ମିଶନ ଶକ୍ତି କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ପୂର୍ଣ୍ଣିମା ମୁଖୀ ଓ ସ୍ନେହା ମୁଖୀ କାର୍ଯ୍ୟକ୍ରମରେ ନେତୃତ୍ୱ ନେିଇଥିଲେ । ଏଥିରେ ମୁଖ୍ୟ ଅତିଥି ଭାବେ ଜିଲା କଂଗ୍ରେସ ସଭାପତି ରବି ରାୟ ଯୋଗ ଦେଇ କଂଗ୍ରେସ କିପରି ବୁଥ୍ ସ୍ତରରୁ ମଜବୁତ ହେବ ଓ ସାଙ୍ଗଠନିକ ସ୍ତରରେ ମଜବୁତ ହୋଇ ଦଳର ହିତ ସାଧନ କରିବ ସେ ଉପରେ ମତବ୍ୟକ୍ତ କରିଥିଲେ । ସେ ଅଞ୍ଚଳର ପାଣି ସମସ୍ୟା, ଗମନାଗମନ ସମସ୍ୟା ଓ ଦୂଷିତ ପାଣି ନିଷ୍କାସନ ବ୍ୟବସ୍ଥା ଉପରେ ଗୁରୁତ୍ୱାରୋପ କରିଥିଲେ ।

ଏହା ଉପରେ ପ୍ରଶାସନର ଦୃଷ୍ଟି ଆକର୍ଷଣ କରାଯିବ ବୋଲି ଶ୍ରୀ ରାୟ ପ୍ରତିଶ୍ରୁତି ଦେଇଥିଲେ । ରିଙ୍କି ମାହାତୋ, ଶଶିକାନ୍ତ ପରିଡା, ଲକ୍ଷ୍ମୀ ଜେନା କାର୍ଯ୍ୟକ୍ରମରେ ସହଯୋଗ କରିଥିବା ବେଳେ ସମ୍ମାନିତ ଅତିଥି ଭାବେ କାର୍ଯ୍ୟକାରୀ ସଭାପତି ସବୀର ହୁସେନ, ବାସୁ ବାନାର୍ଜୀ, ଯୁବନେତା ପ୍ରଦୀପ ବେହେରା, ସନ୍ଦୀପନ ମହାପାତ୍ର, ଅମିତ କୁମାର, ଆଶିଷ ଲାକ୍ରା ପ୍ରମୁଖ ଉପସ୍ଥିତ ଥିଲେ । ସେହିଭଳି ବନ୍ଧମୁଣ୍ଡା ତିଲକାନଗରରେ ଅରୁଣ ଜୟପୁରିଆ, ବିକାଶ ଏକ୍କାଙ୍କ ନେତୃତ୍ୱରେ ଏକ ସଭାର ଆୟୋଜିତ ହୋଇଥିଲା ।

ଏଥିରେ ଜିଲା କଂଗ୍ରେସ ସଭାପତି ରବି ରାୟ ଯୋଗ ଦେଇ ତିଲକାନଗରର ସମସ୍ୟା ଓ ବାସିନ୍ଦାମାନଙ୍କ ସମସ୍ୟା ଉପରେ ଆଲୋଚନା କରିଥିଲେ । ଏସବୁ ସମସ୍ୟାର ସମାଧାନ ପାଇଁ ସେ ପ୍ରଶାସନ ସହ ଆଲୋଚନା କରିବେ ବୋଲି ପ୍ରତିଶ୍ରୁତି ଦେଇଥିଲେ । ଅନ୍ୟମାନଙ୍କ ମଧ୍ୟରେ ସର୍ବେଶ ସିଂ, ସୁଶୀଲ ମାହାତେ. ବାସୁ ବାନାର୍ଜୀ ପ୍ରମୁଖ ଉପସ୍ଥିତ ଥିଲେ ।