ନୂଆଦିଲ୍ଲୀ, ଫେବୃଆରୀ ୧୧ : ମେଟ୍ରୋ ଟ୍ରେନ ଚଳାଚଳ ନେଟୱାର୍କ ପାଇଁ ଓଡିଶା ସରକାରଙ୍କ ଠାରୁ ଏପର୍ଯ୍ୟନ୍ତ କେନ୍ଦ୍ର କୌଣସି ପ୍ରସ୍ତାବ ଗ୍ରହଣ କରିନାହିଁ। ବୁଧବାର ବିଜେପି ସାଂସଦ ଅଶ୍ୱିନୀ ବୈଷ୍ଣବଙ୍କ ପଚାରିଥିବା ଏକ ପ୍ରଶ୍ନର ଉତ୍ତର ଦେଇ ରାଜ୍ୟସଭାରେ କେନ୍ଦ୍ର ନଗର ଓ ଗୃହ ଉନ୍ନୟନ ମନ୍ତ୍ରୀ ହରଦୀପ ସିଂ ପୁରୀ ସୂଚନା ଦେଇଛନ୍ତି।
ଗୃହ ଉନ୍ନୟନ ମନ୍ତ୍ରୀ ସୂଚନା ଦେଇଛନ୍ତି ଯେ ସହରାଞ୍ଚଳର ପରିବହନ ରାଜ୍ୟର ବିଷୟ ହୋଇଥିବାରୁ ମେଟ୍ରୋ ରେଳ ପ୍ରକଳ୍ପ ସମେତ ସହରାଞ୍ଚଳ ପରିବହନ ଭିତ୍ତିଭୂମି ଆରମ୍ଭ, ବିକାଶ ଏବଂ ଅର୍ଥ ପ୍ରଦାନ ପାଇଁ ରାଜ୍ୟ ସରକାର ଦାୟୀ ବୋଲି ଜଣାଇଛନ୍ତି ।
ମନ୍ତ୍ରୀ ଆହୁରି ମଧ୍ୟ କହିଛନ୍ତି ଯେ ବିସ୍ତୃତ ନୀତି, ପ୍ରସ୍ତାବର ସମ୍ଭାବ୍ୟତା ଏବଂ ସମ୍ବଳର ଉପଲବ୍ଧତା ଆଧାରରେ ସହର କିମ୍ବା ସହରାଞ୍ଚଳର ଆବଶ୍ୟକତାକୁ ନେଇ ମେଟ୍ରୋ ରେଳ ପ୍ରସ୍ତାବ ପାଇଁ କେନ୍ଦ୍ର ଆର୍ଥିକ ସହାୟତା ପ୍ରଦାନ କରିଥାଏ।
ଓଡିଶାରେ ମେଟ୍ରୋ ରେଳ ପ୍ରକଳ୍ପ ପାଇଁ କେନ୍ଦ୍ରର ଯୋଜନା ଅଛି କି ନାହିଁ ଜାଣିବାକୁ ବିଜେପି ସାଂସଦ ଜାଣିବାକୁ ଚେଷ୍ଟା କରିଥିଲେ।
ପରେ ସେ କହିଥିଲେ ଯେ, ୨୦୧୪ରେ କଟକ ଏବଂ ଭୁବନେଶ୍ୱର ମଧ୍ୟରେ ମେଟ୍ରୋ ରେଳ ସେବା ପାଇଁ ବିସ୍ତୃତ ପ୍ରକଳ୍ପ ରିପୋର୍ଟ (ଡିଆରପି) ପ୍ରସ୍ତୁତ କରିବାକୁ ସିକନ୍ଦରାବାଦସ୍ଥିତ ବାଲାଜୀ ରେଲୱେ ସିଷ୍ଟମ ଲିମିଟେଡ (ବିଆରଏସ) ସହିତ ଓଡିଶା ସରକାରଙ୍କ ସହ ଚୁକ୍ତି କରିଥିଲା।
ଦୁଇ ସହର ମଧ୍ୟରେ ୩୦ କିଲୋମିଟର ଦୂରତାକୁ ନେଇ ଦ୍ରୁତ ଗତିରେ ଗମନାଗମନ ପ୍ରଣାଳୀର ବିସ୍ତୃତ ପ୍ରକଳ୍ପ ରିପୋର୍ଟ ପ୍ରସ୍ତୁତ କରିବାକୁ କମ୍ପାନୀ କହିଥିଲା ।
୨୦୧୩ରେ ଦ୍ବୈତନଗରୀ ଭୁବନେଶ୍ୱର-କଟକଠାରେ ମେଟ୍ରୋ ରେଳ ପ୍ରବର୍ତ୍ତନ ପାଇଁ ରାଜ୍ୟ ସରକାର ମତ ଦେଇଥିଲେ। ୨୦୧୯ରେ ଓଡିଶା ରାଜ୍ୟପାଳ ଗଣେଶୀ ଲାଲ ଷୋଡଶ ବିଧାନସଭା ଅଧିବେଶନର ଉଦଘାଟନୀରେ ସମ୍ବୋଧିତ କରି କହିଥିଲେ ଯେ ମେଟ୍ରୋ ଟ୍ରେନ୍ ଦ୍ୱାରା କଟକକୁ ସ୍ମାର୍ଟ ସିଟି ଭୁବନେଶ୍ୱର ସହିତ ସଂଯୋଗ କରିବାକୁ ରାଜ୍ୟ ସରକାର ଚେଷ୍ଟା କରିବେ।
Prasanta Patnaik