ମେକ ଇନ ଓଡିଶା କନକ୍ଲେଭରେ ସେଲ ଅଧ୍ୟକ୍ଷଙ୍କ ଦ୍ୱାର ଆରଏସପି ପାଭିଲିଅନ ଉଦଘାଟିତ

ରାଉରକେଲା, ୧୪ା୧୧ : ଭୁବନେଶ୍ୱର ଠାରେ ଅନୁଷ୍ଠିତ ହେଉଥିବା ମେକ ଇନ ଓଡିଶା କନକ୍ଲେଭରେ ଆର୍ଏସ୍ପିର ଆକର୍ଷଣୀୟ ପାଭିଲିଅନକୁ ସେଲ ଅଧ୍ୟକ୍ଷ ଅନୀଲ କୁମାର ଚୌଧରୀ ଉଦ୍ଘାଟନ କରିଛନ୍ତି । ସୂଚନାଯୋଗ୍ୟ ଯେ, ଓଡିଶାର ଦ୍ୱିବାର୍ଷିକ ବିଶ୍ୱ ନିବେଶକ ସମ୍ମିଳନୀ ‘ମେକ ଇନ ଓଡିଶା’ ନଭେମ୍ବର ୧୧ ରୁ ୧୫ ତାରିଖ ପର୍ଯ୍ୟନ୍ତ ଅନୁଷ୍ଠିତ ହେଉଛି ।

ସେଲ ଅଧ୍ୟକ୍ଷ ଆରଏସପି ପାଭିଲିଅନରେ ପ୍ରଦର୍ଶିତ ପାନେଲ ଓ ଅଡିଓ ଭିଜୁଆଲକୁ ନେଇ ଆଗ୍ରହ ପ୍ରକାଶ କରିଥିଲେ । ଓଡିଶା ରାଜ୍ୟର ସହଭାଗିତାରେ କମ୍ପାନୀର ଅଭିବୃଦ୍ଧି ଯାତ୍ରା ଏହି ପାନେଲ ଗୁଡିକରେ ନିଖୁଣ ରୂପେ ଦର୍ଶାଯାଇଛି । ଚଳିତ ବର୍ଷର ବାର୍ତ୍ତା ଅନୁଯାୟୀ, ଆରଏସପି ପାଭିଲିଅନରେ ମତବିନିମୟକାରୀ ବୈଷୟିକ ଜ୍ଞାନକୌଶଳ ଉପଯୋଗ କରାଯାଇଛି । ଟଚ ସ୍ପ୍ରିନ ପାନେଲରେ ଉପଲବ୍ଧ ଅନଲାଇନ କୁଇଜରେ ବହୁ ପରିଦର୍ଶକ ଭାଗ ନେଉଥିବାବେଳେ ବହୁ ଅନ୍ୟ ପରିଦର୍ଶକ ଟଚ ସ୍କ୍ରିନ ଭିଡିଓ ସ୍କ୍ରିନରେ କମ୍ପାନୀ ସମ୍ବନ୍ଧୀୟ ଉପଲବ୍ଧ ତଥ୍ୟ ହାସଲ କରୁଛନ୍ତି ।