ରାଉରକେଲା, ୨୪ ।୧୦ : ଗତ ୨୦ ତାରିଖ ଦିନ ସେକ୍ଟର-୭ ଥାନା ଅନ୍ତର୍ଗତ ସେକ୍ଟର-୬ ବିଜୁ ପଟ୍ଟନାୟକ ହକି ଷ୍ଟାଡିୟମ ନିକଟରେ ହୋଇଥିବା ଏକ ଦୁର୍ଘଟଣାରେ ରାଉରକେଲା ଇସ୍ପାତ କାରଖାନାର ଏମଏମଡି ବିଭାଗ ଅଧିନରେ ଥିବା ରିଫ୍ରାକ୍ଟରୀରେ କାମ କରୁଥିବା ଦୁର୍ଯ୍ୟୋଧନ ସାହୁ (୫୭)ଙ୍କ ମୃତ୍ୟୁ ହୋଇଯାଇଥିଲା । ତେବେ ଶ୍ରୀ ସାହୁ ଉକ୍ତ ଦିନ ଜେନେରାଲ ସିଫ୍ଟ ଡ୍ୟୁଟିରୁ ଫେରୁଥିବା ବେଳେ ଦୁର୍ଘଟଣାର ସମ୍ମୁଖୀନ ହୋଇ ମୃତ୍ୟୁବରଣ କରିଥିବା ଅଭିଯୋଗ କରି ପରିବାର ବର୍ଗ ଶବକୁ ନେଇ ଆରଏସପିରେ ଚାକିରି ଦାବି କରି ଆଜି ଆଇଜିଏଚ ସମ୍ମୁଖରେ ଧାରଣାରେ ବସିଥିଲେ ।
ତେବେ ଆଜି ମଧ୍ୟାହ୍ନ ପ୍ରାୟ ୧୨ଟାରେ ଆଇଜିଏଚର ନିର୍ଦ୍ଦେଶକଙ୍କ ଟିଏ ଡଃ ସୁର୍ଯ୍ୟନାରାୟଣ ସାହୁ ଆସି ଧାରଣାରତ ଲୋକମାନଙ୍କ ସହ କଥାବାର୍ତ୍ତା ବେଳେ କୌଣସି କାରଣରୁ ଲୋକ ମାନେ ହିଁ ସାହୁଙ୍କୁ ହଠାତ ଆକ୍ରମଣ କରିଥିଲେ । ତେବେ ଉପସ୍ଥିତ ଥିବା ସିଆଇଏସଏଫର ଯବାନମାନେ ଡଃ ସାହୁକୁ ଲୋକଙ୍କ ଗ୍ରହଣରୁ ମୁକୁଳାଇ ନେଇ ଯାଇଥିଲେ । ଏସମ୍ବନ୍ଧରେ ଖବର ପାଇ ଡିଏସପି ପି କେ ମିଶ୍ର, ଆଇଆଇସି ଦିପ୍ତିକାନ୍ତ ପ୍ରଧାନ ସଦଳବଳେ ଆଇଜିଏଚରେ ପହଞ୍ôଚ ପରିସ୍ଥିତିକୁ ନିୟନ୍ତ୍ରଣକୁ ଆଣିଥିଲେ ।
Prasanta Patnaik