ମାନବ ଶରୀରରେ ୨୫୬ ଖଣ୍ଡ ହାଡ଼ ଥିବା କହି ଶିକ୍ଷକ ନିଯୁକ୍ତି ପରୀକ୍ଷାରେ ଟପର୍‌ ହୋଇଥିବା ଶିକ୍ଷକ ଗିରଫ

ଆଗ୍ରା, ଜାନୁଆରୀ ୦୫ : ମାମୁଲି ପ୍ରଶ୍ନର ଉତ୍ତର ଦେଇ ନ ପାରିବା ଏବଂ ଚାକିରି ନିମନ୍ତେ ଜାଲ୍‌ ମାର୍କସିଟ୍‌ ଦାଖଲ କରିଥିବା ଅଭିଯୋଗରେ ୨୦୧୫ ମସିହାରେ ପ୍ରାଥମିକ ଶିକ୍ଷକ ନିଯୁକ୍ତି ପରୀକ୍ଷାରେ ଜିଲ୍ଲା ଟପର ହୋଇଥିବା ଜଣେ ବ୍ୟକ୍ତିଙ୍କୁ ଫିରୋଜାବାଦ ପୁଲିସ ଗିରଫ କରିଛି।

ଅଭିଯୁକ୍ତ ୨୮ ବର୍ଷିୟ ଆଶିଷ କୁମାର ହେଉଛନ୍ତି ଶକୋହାବାଦ ଥାନା ଅଧୀନ ଭଣ୍ଡାରୀ ଗ୍ରାମର ବାସିନ୍ଦା। ମେରିଟ୍‌ ଆଧାରରେ ତାଙ୍କୁ ପ୍ରାଥମିକ ଶିକ୍ଷକ ଭାବେ ଚୟନ କରାଯାଇଥିଲା। ବିପିଇଡି ପରୀକ୍ଷାରେ ୮୮% ନମ୍ବର ରଖିଥିବା ଏକ ଜାଲ୍‌ ମାର୍କସିଟ୍‌ ମଧ୍ୟ ସେ ଦାଖଲ କରିଥିଲେ।

ସେ ଚାକିରି ପାଇଁ ବହୁ ପ୍ରାର୍ଥୀ ଜାଲ୍‌ ସାର୍ଟିଫିକେଟ ଦାଖଲ କରିଥିବା କଥା ଅଭିଯୋଗ ହେବାରୁ ଅଧିକାରୀମାନେ ତାହାର ସତ୍ୟାସତ୍ୟ ଜାଣିବାକୁ ତଦନ୍ତ ଆରମ୍ଭ କରିଥିଲେ।

ଶେଷରେ ମାମୁଲି ପ୍ରଶ୍ନର ଉତ୍ତର ଦେବାକୁ ଯାଇ କହିଲେ ମଣିଷ ଦେହରେ ୨୫୬ ଖଣ୍ଡ ହାଡ଼ ରହିଛି। ସେ ଚତୁର୍ଥ ଶ୍ରେଣୀର ଅଙ୍କଟିଏ ବି କଷି ପାରିଲେ ନାହିଁ।