160 Views
ଭଦ୍ରକ, ଜାନୁଆରୀ ୧୨ : ଜଣେ ମହିଳାଙ୍କୁ ଗଳା କାଟି ହତ୍ୟା କରାଯାଇଥିବାର ଅଭିଯୋଗ ହୋଇଛି । ଏଭଳି ହତ୍ୟାକାଣ୍ଡ ଘଟିଛି ଭଦ୍ରକ ଜିଲ୍ଲା ଭଣ୍ଡାରୀପୋଖରୀ ଥାନା ନୂଆପୋଖରୀ ଗାଁରେ । ମୃତକ ସେହି ଗାଁର ରାଧା ମହାନ୍ତି । ସୂଚନା ଅନୁସାରେ, ରାଧା କିଛି ଦିନ ହେଲା ନିଖୋଜ ଥିଲେ । ଆଜି ସକାଳୁ ଗାଁ ପାଖ ରାସ୍ତା କଡ଼ରେ ତାଙ୍କ ମୃତଦେହ ପଡ଼ିଥିବା ଲୋକେ ଦେଖିଥିଲେ । ମହିଳା ଜଣଙ୍କ ଆଜିକୁ 6 ବର୍ଷ ପୂର୍ବେ ନାରଣ ମହାନ୍ତି ଙ୍କୁ ବିବାହ କରିଥିଲେ. ତାଙ୍କର 5 ବର୍ଷ ର ଗୋଟିଏ ଝିଅ ଅଛି. ତେବେ ରାଧାଙ୍କୁ ତାଙ୍କ ସ୍ୱାମୀ ଓ ଶାଶୁ ହତ୍ୟା କରିଥିବା ଅଭିଯୋଗ ଆଣିଛନ୍ତି ତାଙ୍କ ପରିବାର ଲୋକେ । ଏହି ଘଟଣା ଘଟିବା ପରେ ମୃତ ମହିଳାଙ୍କ ସ୍ୱାମୀ ନାରଣ ମହାନ୍ତି କେଉଁଆଡେ ଫେରାର ହୋଇଯାଇଛନ୍ତି । ଖବର ପାଇ ଭଣ୍ଡାରିପୋଖରୀ ପୋଲିସ ପହଞ୍ଚି ମୃତଦେହକୁ ଜବତ କରିବା ସହିତ ତଦନ୍ତ ଚଳାଇଛି ।
Prasanta Patnaik