ନୂଆଦିଲ୍ଲୀ, ଅଗଷ୍ଟ ୩୦ : ଭାରତ- ଚୀନରେ ସୀମା ବିବାଦ ଜାରି ରହିଥିବାବେଳେ ଚୀନ ଡୋକଲାମରେ ଏକ ନୂତନ କ୍ଷେପଣାସ୍ତ୍ର ନିର୍ମାଣ କରୁଥିବା ସାଟେଲାଇଟରୁ ଜଣାପଡିଛି । ଚୀନ୍ ଡୋକଲାମ ଏବଂ ନାକୁ ଲାରେ କ୍ଷେପଣାସ୍ତ୍ର ନିର୍ମାଣ କରୁଛି। ଯେଉଁଠାରେ ମେ ମାସରେ ଭାରତୀୟ ଏବଂ ଚୀନ୍ ସୈନ୍ୟ ମଧ୍ୟରେ ସଂଘର୍ଷ ହୋଇଥିଲା ।
ସାଟେଲାଇଟରୁ ମିଲିଥିବା ପ୍ରତିଛବିକୁ ଆଧାର କରି ବିଶ୍ଲେଷଣକାରୀ ସଂସ୍ଥା ଜଣାଇଛି ଯେ, ସେଥିର ଦୁଇଟି ସାଇଟ୍ ଅଛି ଯେଉଁଥିରେ ପିପୁଲ୍ସ ଲିବରେସନ୍ ଆର୍ମି ଏକ ଭୂପୃଷ୍ଠରୁ ବାୟୁ କ୍ଷେପଣାସ୍ତ୍ର ନିର୍ମାଣ କରୁଛି ।
ଚୀନ୍ କ୍ରମାଗତ ଭାବରେ ଚତୁରତାର ସହିତ ଡୋକଲାମ ଏବଂ ନାକୁ ଲା ପରି ବିବାଦୀୟ ସ୍ଥାନଗୁଡିକ ନିକଟରେ ଏହି କାର୍ଯ୍ୟକଳାପ ଜାରି ରଖିଛି । ଟ୍ୱିଟରରେ ପ୍ରକାଶିତ ଚିତ୍ରରୁ ଏହା ସ୍ପଷ୍ଟ ହୋଇଛି ଯେ ବିବାଦୀୟ ସ୍ଥାନ ନିକଟରେ ଚୀନ୍ ପ୍ରତିରକ୍ଷା ବ୍ୟବସ୍ଥାରେ ବିକାଶ କରୁଛି।
ଭାରତ ମଧ୍ୟ ଚୀନ୍ର କାର୍ଯ୍ୟକଳାପ ଉପରେ ନିରନ୍ତର ନଜର ରଖିଛି, ସୀମା ବିବାଦ ମଧ୍ୟରେ ଭାରତ ଏଠାରେ ବୋଇଙ୍ଗ ପି -8 ଭଳି ଯୁଦ୍ଧ ବିମାନ ନିୟୋଜିତ କରିଛି। କୁହାଯାଉଛି ଯେ, ଏହିସବୁ ନିର୍ମାଣ କାର୍ଯ୍ୟ କରି ଚୀନ୍ ଜାଣିଶୁଣି ଭାରତ ଉପରେ ଚାପ ପକାଇବାକୁ ଚେଷ୍ଟା କରୁଛି ।
ନୂତନ ଉପଗ୍ରହ ଫଟୋ ଅନୁଯାୟୀ, ମିସାଇଲ୍ ସାଇଟ୍ ଡୋକଲାମ ଠାରୁ ପ୍ରାୟ 50 କିଲୋମିଟର ଦୂରରେ ଥିବା ମାଳଭୂମି ନିକଟସ୍ଥ ଅଞ୍ଚଳରେ ଯେଉଁଠାରେ 2017ରେ ଭାରତ ଏବଂ ଚୀନ୍ ମଧ୍ୟରେ 70 ଦିନରୁ ଅଧିକ ସମୟ ଧରି ବିବାଦ ଲାଗି ରହିଥିଲା।
ନିକଟରେ ନାକୁ ଲା ଜାହାନରେ ଭାରତ ଓ ଚୀନ୍ ସୈନ୍ୟଙ୍କ ମଧ୍ୟରେ ହିଂସାକାଣ୍ଡ ହୋଇଥିଲା ଯେଉଁଥିରେ ଉଭୟ ପାର୍ଶ୍ୱରେ ଥିବା ସୈନିକମାନେ ଆହତ ହୋଇଥିଲେ।
Prasanta Patnaik