153 Views
ବ୍ରହ୍ମପୁର, ଜୁଲାଇ ୮: ବ୍ରହ୍ମପୁର ଲାଞ୍ଜିପଲ୍ଲୀରେ ଆଜି ବୋମା ମାଡ଼ ହୋଇଛି । ବୋମା ମାଡ଼ରେ ଚାରି ଜଣ ଆହତ ହୋଇଛନ୍ତି । ସେମାନଙ୍କ ମଧ୍ୟରୁ ଜଣଙ୍କ ଅବସ୍ଥା ଗୁରୁତର ରହିଛି । ତାଙ୍କୁ ବ୍ରହ୍ମପୁର ଏମ୍କେସଜି ମେଡ଼ିକାଲରେ ଭର୍ତ୍ତି କରାଯାଇଛି । ଆହତ ମାନେ ହେଲେ ସୁଶାନ୍ତ ବିଷୋୟୀ, ରାଜେଶ ବିଷୋୟୀ ଓ ଗୋପି ପାତ୍ର ।
ଆଜି ସକାଳେ ୫ ଜଣ ଏକ କାର୍ରେ ଥାନାକୁ ଯାଉଥିବା ବେଳେ କିଛି ଦୁର୍ବୃତ୍ତ ବାଇକ ପିଛା କରି ବୋମା ମାଡ଼ କରିଥିଲେ । ଫଳରେ କାର୍ ଥିବା ୫ ଜଣଙ୍କ ମଧ୍ୟରୁ ୪ ଜଣ ଆହତ ହୋଇଥିଲେ । ବୋମା ମାଡ଼ର କାରଣ ଜଣାପଡ଼ି ନଥିବା ବେଳେ ପୂର୍ବ ଶତ୍ରୁତାକୁ ହୋଇଥିବା ଅନୁମାନ କରାଯାଉଛି । ତେବେ ଘଟଣାସ୍ଥଳରୁ ୪ଟି ଅଫୁଟା ବୋମା ଜବତ କରାଯାଇଛି । ଘଟଣାସ୍ଥଳରେ ପୋଲିସ ଓ ସାଇଣ୍ଟିଫିକ୍ ଟିମ୍ ପହଁଚି ତଦନ୍ତ ଆରମ୍ଭ କରିଛନ୍ତି ।
Prasanta Patnaik