ନୂଆଦିଲ୍ଲୀ, ଫେବୃଆରୀ ୧୨ :
ରାଜ୍ୟସଭାରେ ବିରୋଧୀଦଳର ନେତା ଗୁଲାମ ନବୀ ଆଜାଦଙ୍କ ବିଦାୟ ପରେ ଦଳର ବରିଷ୍ଠ ନେତା ତଥା ଲୋକସଭାରେ କଂଗ୍ରେସ ନେତା ମଲ୍ଲିକାର୍ଜୁନ ଖଡଗେ ବିରୋଧୀ ଦଳର ନେତା ଭାବରେ ମନୋନୀତ ହୋଇଛନ୍ତି। ଏଥିପାଇଁ ମଲ୍ଲିକାର୍ଜୁନ ଖଡଗେ ବିରୋଧୀ ଦଳର ପ୍ରମୁଖ ନେତା ହେବେ ବୋଲି କଂଗ୍ରେସ ମଧ୍ୟ ରାଜ୍ୟସଭା ଅଧ୍ୟକ୍ଷ ଭେଙ୍କୟା ନାଇଡୁଙ୍କୁ ସୂଚନା ଦେଇଛି।
ଏହି ସୂଚନା ପ୍ରଦାନ କରି କଂଗ୍ରେସର ମହାସଚିବ ଭେଣୁଗୋପାଳ ରାଓ କହିଛନ୍ତି ଯେ ଆଜାଦଙ୍କ ଅବସର ପରେ ଖଡଗେ ଦଳ ଦ୍ୱାରା ମନୋନୀତ ହୋଇଛନ୍ତି। ଖଡଗେ ରାଜ୍ୟସଭାରେ ବିରୋଧୀ ଦଳର ନେତା ହେବେ। ମଲ୍ଲିକାର୍ଜୁନ ଖଡଗେ ରାହୁଲ ଗାନ୍ଧୀଙ୍କ ଅତି ନିକଟତର ବୋଲି ବିବେଚନା କରାଯାଏ । ରାଜ୍ୟସଭାରେ ବିରୋଧୀ ଦଳର ଡେପୁଟି ନେତା ଆନନ୍ଦ ଶର୍ମା ମଧ୍ୟ ତାଙ୍କୁ ବିରୋଧୀ ଦଳର ନେତା ହେବାକୁ ଚାହୁଁଛନ୍ତି, କିନ୍ତୁ ଦଳର ନେତୃତ୍ୱ ତାଙ୍କୁ ଏହି ଦାୟିତ୍ବ ଦେବା ପାଇଁ ଆଗ୍ରହ ପ୍ରକାଶ କରିନାହିଁ ।
ଉଲ୍ଲେଖଯୋଗ୍ୟ, ମଲ୍ଲିକାର୍ଜୁନ ଖଡଗେ ୨୦୧୯ର ଲୋକସଭା ନିର୍ବାଚନରେ ପରାଜୟ ହୋଇଥିଲେ ପରେ ତାଙ୍କୁ ଗତ ବର୍ଷ ସଦସ୍ୟ ଭାବରେ ରାଜ୍ୟସଭାକୁ ଅଣାଯାଇଥିଲା। ମୋଦୀ ସରକାରଙ୍କ ପ୍ରଥମ କାର୍ଯ୍ୟକାଳରେ ସେ ୨୦୧୪ରୁ ୨୦୧୯ ମଧ୍ୟରେ ଲୋକସଭାରେ ବିରୋଧୀ ଦଳର ନେତା ରହିଆସିଛନ୍ତି ଏବଂ ଅନେକ ପ୍ରସଙ୍ଗରେ ଦଳର ସ୍ୱର ଦେଇଛନ୍ତି। ଗୁଲାମ ନବୀ ଆଜାଦଙ୍କ ବିକଳ୍ପ ଭାବରେ ଖଡଗେଙ୍କୁ ରାଜ୍ୟସଭାରେ ବିରୋଧୀ ଦଳର ନେତା କରିବାକୁ ନିଷ୍ପତ୍ତି ନେଇଛି।
Prasanta Patnaik