ନୂଆଦିଲ୍ଲୀ, ଡିସେମ୍ବର ୦୨: ଜଣାଶୁଣା ଭାରତୀୟ ହିନ୍ଦୀ ତାରକା ପ୍ରିୟଙ୍କା ଚୋପ୍ରା ତାଙ୍କର ବିଦେଶୀ ବନ୍ଧୁ ନିକ୍ ଜୋନ୍ସଙ୍କ ସହ ବିବାହ ବନ୍ଧନରେ ବାନ୍ଧି ହୋଇଛନ୍ତି। ନିକ୍ ଓ ପ୍ରିୟଙ୍କାଙ୍କ ଖ୍ରୀଷ୍ଟିୟାନ୍ ରୀତିନୀତି ଅନୁଯାୟୀ ବିବାହ ଯୋଧପୁରର ଉମେଦ ଭବନ ପ୍ୟାଲେସ୍ରେ ଆୟୋଜିତ ହୋଇଛି। ଗତକାଲି ହିନ୍ଦୁ ରୀତିନୀତି ଅନୁଯାୟୀ ଦୁହିଁଙ୍କ ବିବାହ ସମ୍ପନ୍ନ ହେବ ବୋଲି ବିଶେଷ ସୂତ୍ରରୁ ସୂଚନା ମିଳିଛି।
ପ୍ରିୟଙ୍କା ଚୋପ୍ରା ନିଜ ବିବାହ ଫଟୋ ଓ ଭିଡିଓ ଯେପରି ଲିକ୍ ହୋଇ ନଯାଏ ସେନେଇ ଟିକନିଖ୍ ଧ୍ୟାନ ଦେଇଛନ୍ତି। ପ୍ରିୟଙ୍କା ଓ ନିକ୍ଙ୍କ ବିବାହର ଦୁଇଘଣ୍ଟା ପରେ ରାତି ୯ଟା ସମୟରେ ଦୀପବୀରଙ୍କ ରିସେପ୍ସନ୍ ଅଛି। ଏହି ରିସେପସନ୍ ଗ୍ରାଣ୍ଡ ହୋଟେଲରେ ଥିବା ସୂଚନା ମିଳିଛି। ପ୍ରିୟଙ୍କାଙ୍କ ଖ୍ରୀଷ୍ଟିୟାନ୍ ରୀତିନୀତି ଅନୁଯାୟୀ ବିବାହ ସମ୍ପର୍ଣ୍ଣ ହେବା ପରେ ତାଙ୍କର ହଳଦୀ ହେବ ଓ ଅତିଥିଙ୍କ ପାଇଁ ଏକ ଗ୍ରାଣ୍ଡ ପାର୍ଟିର ବି ଆୟୋଜନ କରାଯାଇଛି। ପ୍ରିୟଙ୍କା ଓ ନିକ୍ଙ୍କ ବିବାହ ଭୋଜିକୁ ବହୁ ନାମୀଦାମୀ ଅତିଥିଙ୍କୁ ନିମନ୍ତ୍ରଣ କରାଯାଇଛି।
ପ୍ରିୟଙ୍କା ଚୋପ୍ରା ଓ ନିକ୍ ଜୋନ୍ସ ଦୁହିଁଙ୍କ ସାକ୍ଷାତ ଗତବର୍ଷ ମେଟ ଗାଲା ଇଭେଣ୍ଟରେ ହୋଇଥିଲା। ସେବେଠାରୁ ଦୁହେଁଦୁହିଁଙ୍କ ଭଲ ବନ୍ଧୁ ରହି ଆସିଥିଲେ ଓ ପରେ ବିବାହ କରିବେ ବୋଲି ସ୍ଥିର କରିିଥିଲେ।
Prasanta Patnaik