ନୂଆଦିଲ୍ଲୀ,ଏପ୍ରିଲ 15 : ଦେଶରେ ବିପଦ ମୁହାଁ ହେଉଛି କରୋନା । ଦେଶରେ ରେକର୍ଡ ପରେ ରେକର୍ଡ ଭାଙ୍ଗୁଛି ଦୈନିକ କରୋନା ସଂକ୍ରମଣ । ଆଜି 2 ଲକ୍ଷ ପାର କରୋନା ଆକ୍ରାନ୍ତ ଚିହ୍ନଟ । ଗତ 24 ଘଣ୍ଟାରେ ଦେଶରେ 2 ଲକ୍ଷ 739 ସଂକ୍ରମିତ ଚିହ୍ନଟ ହୋଇଛନ୍ତି । ମହାରାଷ୍ଟ୍ରରେ ସ୍ଥିତି ଗମ୍ଭୀର ହେବାରେ ଲାଗିଛି ।
ଦେଶରେ ସାଙ୍ଘାତିକ ହେଉଛି କରୋନାସ୍ଥିତି । ଆଜି ପୁଣି ଦୈନିକ କରୋନା ଆକ୍ରାନ୍ତ ଚିହ୍ନଟ ସଂଖ୍ୟାର ନୂଆ ରେକର୍ଡ । ଆଜି 2 ଲକ୍ଷ 739 ଆକ୍ରାନ୍ତ ଚିହ୍ନଟ ହୋଇଛନ୍ତି । ଦେଶରେ ମୋଟ ସଂକ୍ରମିତଙ୍କ ସଂଖ୍ୟା 1 କୋଟି 40 ଲକ୍ଷ 74 ହଜାର 564 କୁ ବୃଦ୍ଧି ପାଇଛି । ସେହିପରି ଗତ 24 ଘଣ୍ଟାରେ 93 ହଜାର 528 ଜଣ କରୋନାକୁ ପରାସ୍ତ କରି ସୁସ୍ଥ ହୋଇ ଘରକୁ ଫେରିଛନ୍ତି ।
ସେହିପରି 24 ଘଣ୍ଟାରେ ମହାମାରୀ କରୋନା ଭାଇରସରେ 1038 ଜଣଙ୍କ ମୃତ୍ୟୁ ଘଟିଛି । ମୋଟ ମୃତ୍ୟୁ ସଂଖ୍ୟା 1 ଲକ୍ଷ 73 ହଜାର 123 କୁ ବୃଦ୍ଧି ପାଇଛି । ଏବେ ବି 14 ଲକ୍ଷରୁ ଅଧିକ ସକ୍ରିୟ ଆକ୍ରାନ୍ତ ରହିଛନ୍ତି । 14 ଲକ୍ଷ 71 ହଜାର 877 ଜଣ ଚିକିତ୍ସାଧୀନ ଅଛନ୍ତି । ତେବେ ମହାରାଷ୍ଟ୍ରରେ ସ୍ଥିତି ଅଧିକ ସଙ୍ଗୀନ ରହିଛି । ଦେଶରେ ଏଯାବତ 11 କୋଟି 44 ଲକ୍ଷ 93 ହଜାର 238 ଜଣ କୋଭିଡ ଭ୍ୟାକ୍ସିନ ନେଇଛନ୍ତି ।
Prasanta Patnaik