ବାଇକ୍‌ଆରୋହୀ ମାରିଲେ ସାଇଡ୍‌; ନିୟନ୍ତ୍ରଣ ହରାଇ ଭାଇଭଉଣୀଙ୍କ ଉପରେ ସ୍କୁଟର୍‌ ଧକ୍କା ଦେଲେ କଲେଜ ଛାତ୍ରୀ

ଯାଜପୁର : ସୋମବାର ପୂର୍ବାହ୍ନ ପ୍ରାୟ ୧୦ଟା ବେଳେ ବିଞ୍ଝାରପୁର ଥାନା ଅଞ୍ଚଳ ତାଉଁତରା ଛକ ନିକଟରେ ସ୍କୁଟର୍‌ ଧକ୍କା ଖାଇ ପ୍ରାଥମିକ ବିଦ୍ୟାଳୟରେ ପଢୁଥିବା ଜଣେ ଛାତ୍ର ଓ ଛାତ୍ରୀ ସାଙ୍ଘାତିକ ଆହତ ହୋଇଛନ୍ତି।

ଦୁହେଁ ତାଉଁତରା ଗ୍ରାମର ଶିବ ପଲେଇଙ୍କ ପୁଅ ଓ ଝିଅ। ତାଉଁତରା ସ୍କୁଲ୍‌ରେ ୬ ବର୍ଷିୟ ପୁଅ ରାଜେନ୍ଦ୍ର ପ୍ରଥମ ଶ୍ରେଣୀର ଛାତ୍ର ଏବଂ ୯ ବର୍ଷୀୟ ପୂଜା ତୃତୀୟ ଶ୍ରେଣୀର ଛାତ୍ରୀ। ଉଭୟ ଚାଲି ଚାଲି ସ୍କୁଲ୍‌କୁ ଯାଉଥିଲେ। ସେତିକି ବେଳେ ସେ ରାସ୍ତାରେ ସ୍କୁଟର୍‌ ନେଇ ଯାଉଥିବା ବରୁଣେଇ କଲେଜର ଜଣେ ଛାତ୍ରୀଙ୍କୁ ଜଣେ ମୋଟରସାଇକେଲ୍‌ ଆରୋହୀ ସାଇଡ୍‌ ମାରିଥିଲେ। ଫଳରେ କଲେଜ ଛାତ୍ରୀଜଣକ ନିଜ ସ୍କୁଟର୍‌ ଉପରୁ ନିୟନ୍ତ୍ରଣ ହରାଇବାରୁ ତାହା ସେ ବାଟେ ଯାଉଥିବା ଭାଇଭଉଣୀଙ୍କ ଉପରେ ଧକ୍କା ଖାଇଥିଲା।