ବର୍ଷା ମୁକାବିଲା: ସମୀକ୍ଷା କଲେ ମୁଖ୍ୟମନ୍ତ୍ରୀ, ଟ୍ୱିନସିଟିରେ ଦିଆଯିବ ରନ୍ଧା ଖାଦ୍ୟ

ସୂଚନାନୁଯାୟୀ, ଆଜି ମୁଖ୍ୟମନ୍ତ୍ରୀ ଦିନ ୧୧ଟା ୩୦ରେ ବନ୍ୟା ମୁକାବିଲା ତଥା ସମୀକ୍ଷା ନେଇ ଏକ ଗୁରୁତ୍ୱପୂର୍ଣ୍ଣ ବୈଠକ ଡାକିଥିଲେ । ବୈଠକ ଶେଷରେ ରାଜ୍ୟରେ ବନ୍ୟା ସ୍ଥିତି ନେଇ ସୂଚନା ଦେଇଛନ୍ତି ଏସଆରସି କମିଶନର ଶ୍ରୀ ବିଷ୍ଣୁପଦ ସେଠୀ । କମିଶନର କହିଛନ୍ତି କି, ମାଲକାନଗିରି, ଜୟପାଟଣା ଅଂଚଳରେ ଜଳବନ୍ଦୀ ଥିବା ଲୋକଙ୍କୁ ଉଦ୍ଧାର କରାଯାଇଛି । କଟକ ଏବଂ ଭୁବନେଶ୍ୱରରେ ପାଣି ଘେରରେ ଥିବା ଲୋକଙ୍କୁ ରନ୍ଧା ଖାଦ୍ୟ ଦେବା ପାଇଁ ଦିଆଯିବ । ବନ୍ୟାରେ କୌଣସି ମୃତ୍ୟୁ ଘଟି ନଥିବା ବେଳେ କେବଳ କଲୟାଣସିଂପୁରରେ କାନ୍ଥ ପଡି ୨ଜଣ ମୃତ୍ୟୁବରଣ କରିଥିବା ସୂଚନା ମିଳିଛି ।

ସେହିପରି ରାଜ୍ୟର ବିଭିନ୍ନ ନଦୀର ଜଳସ୍ତର ବୃଦ୍ଧି ପାଉଛି କିନ୍ତୁ କୌଣସି ସ୍ଥାନରେ ବିପଦ ସଙ୍କେତ ଟପି ନଥିବା କମିଶନର କହିଛନ୍ତି ।