ବଢିଲା ଦେବାଶିଷଙ୍କ ପାଇଁ ଅଡୁଆ, ମାମଲା ରୁଜୁ କଲା ପୋଲିସ

ସୂଚନା ମୁତାବକ, ପୁଲୱାମା ବିସ୍ଫୋରଣରେ ସହିଦ ହୋଇଥିବା ଓଡିଆ ଯବାନ ମନୋଜ ବେହେରାଙ୍କ ଶେଷକୃତ୍ୟ ସମୟରେ ଏକ ଅଭାବନୀୟ ଘଟଣା ଦେଖିବାକୁ ମିଳିଥିଲା  । ସେଠାରେ ଉପସ୍ଥିତ ଥିବା କଟକ ବାରବାଟୀ ବିଜେଡି ବିଧାୟକ ଦେବାଶିଷ ସାମନ୍ତରାୟ ସହିଦଙ୍କ ସମ୍ପର୍କୀୟ ଦାଦାଙ୍କୁ ଧକ୍କା ମାରିବା ସହ ତଂଟିଆ ମାରିଥିଲେ । ଯାହାକୁ ନେଇ ବିବାଦ ସୃଷ୍ଟି ହୋଇଥିଲା  ।ଏପରିକି ପାକିସ୍ତାନରେ ମଧ୍ୟ ଏ ଭିଡିଓ ପ୍ରସାରିତ ହୋଇଥିଲା । ଏହି ଘଟଣାରେ ଦେବାଶିଷ ପରେ ସଫେଇ ଦେଇଥିଲେ । ତେବେ ଏହା ସହିଦ ଏବଂ ଦେଶକୁ ଅସମ୍ମାନ ବୋଲି ମହିଳା କଂଗ୍ରେସ ଗତକାଲି ବାଦାମବାଡି ଥାନାରେ ଏତଲା ଦେଇଥିଲା   । ଏହି ଏତଲାକୁ ଭିତି କରି ପୋଲିସ ଆଜି ମାମଲା ରୁଜୁ କରିବା ସହ ଏହାକୁ ନିଆଳି ଥାନାକୁ ପଠାଇଛି । ଏନେଇ କଟକ ଡିସିପି ଅଖିଳେଶ୍ୱର ସିଂ ସୂଚନା ଦେଇଛନ୍ତି ।