ପୋଖରୀରେ  ବୁଡ଼ି ଯୁବକ ଗୁରୁତର

କାମାକ୍ଷାନଗର : ଢେଙ୍କାନାଳ  ଜିଲ୍ଳା କାମାକ୍ଷାନଗର ଉପଖଣ୍ଡ ଭୁବନ ଥାନା ଅନ୍ତର୍ଗତ ଜମୁନାକୋଟ ଗ୍ରାମ  ର  ଏକ ପୋଖରୀ  ରେ ଜଣେ ଯୁବକ ବୁଡିଯାଇ  ଥିବା ବେଳେ ସ୍ଥାନୀୟ ଲୋକ ତାକୁ ଉଦ୍ଧାର କରି ଗୁରୁତର ଅବସ୍ଥାରେ କାମାକ୍ଷାନଗର ମେଡିକାଲରେ ଭର୍ତ୍ତି କରାଇଛନ୍ତି । ଯୁବକ ଜଣକ ହେଲେ କଙ୍କଡାହାଡ ବ୍ଳକ ଅନ୍ତର୍ଗତ ବାଟଗାଁ ପଞ୍ଚାୟତର ଝାଞିରିବେରେଣା ଗ୍ରାମର ଦୁୁର୍ଗା ମୁଣ୍ଡା (୩୫) ।

ଘଟଣାରୁ ପ୍ରକାଶ ଯେ ଦୁର୍ଗା ମୁଣ୍ଡା ଦିନ ମଜୁରୀଆ ଭାବେ କାମ କରି ପରିବାର ପ୍ରତିପୋଷଣ କରେ ।  ଗୁରୁବାର ଦୁର୍ଗା ଓ ତାର ସ୍ତ୍ରୀ କାମ କରିବାକୁ ଜମୁନାକୋଟ ଯାଇଥିବା ବେଳେ ଦିନ ୧ ଟା ସମୟରେ କାମ ସାରି ପୋଖରୀ କୁ ଗାଧୋଇବାକୁ ଯାଇଥିଲେ । ଗାଧୋଇବା ଅବସ୍ଥାରେ ଦୁର୍ଗା ବୁଡିଯାଇଥିଲା ।  ସ୍ୱାମି  ବୁଡି ଯାଉଥିବାର ଦେଖି ତାର ସ୍ତ୍ରୀ ପାଟି କରି ଡାକିବାରୁ ସ୍ଥାନୀୟ ଲୋକ ତୁରନ୍ତ  ଯାଇ ଦୁର୍ଗାକୁ ଉଦ୍ଧାର କରିଥିଲେ ।  ଦୁର୍ଗାର ଅବସ୍ଥା ଗୁରୁତର ଥିବାରୁ ତାକୁ ୧୦୮ ଆମ୍ବୁଲାନ୍ସ ଯୋଗେ କାମକ୍ଷାନଗର ମେଡିକାଲ ରେ ଭର୍ତ୍ତି କରାଯାଇଛି  ।