ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ସ୍ବାସ୍ଥ୍ୟାବସ୍ଥାରେ ଅବନତି, ଫୁସଫୁସରେ ସଂକ୍ରମଣ

ଡାକ୍ତରଖାନା ଏକ ବିବୃତ୍ତି ଜାରି କରି କହିଛି ଯେ ଗତକାଲିଠାରୁ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ଅବସ୍ଥାରେ କୌଣସି ଉନ୍ନତି ହେଉନାହିଁ। ତାଙ୍କ ଅବସ୍ଥା କ୍ରମାଗତ ଭାବେ ଖରାପ ହେଉଛି। ଫୁସଫୁସ ସଂକ୍ରମଣ ହେତୁ ସେ ସେପ୍ଟିକ୍ ଶକରେ ରହିଛନ୍ତି।

ବିବୃତ୍ତିରେ କୁହାଯାଇଛି ଯେ ମୁଖାର୍ଜୀଙ୍କୁ ଏକ ସ୍ୱତନ୍ତ୍ର ଦଳ ତଦାରଖ କରୁଛନ୍ତି। ସେ କ୍ରମାଗତ ଭାବରେ ଏକ ଗଭୀର କୋମାରେ ଅଛନ୍ତି ଏବଂ ଭେଣ୍ଟିଲେଟର ସପୋର୍ଟରେ ରଖାଯାଇଛି  ।

84 ବର୍ଷୀୟ ମୁଖାର୍ଜୀଙ୍କୁ ଅଗଷ୍ଟ 10 ରେ ଦିଲ୍ଲୀର ସାମରିକ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କ ମସ୍ତିଷ୍କରେ ରକ୍ତ ଜମାଟ ବାନ୍ଧିବା ପରେ ଏକ ଅପରେସନ୍ ହୋଇଥିଲା। ଡାକ୍ତରଖାନାରେ ଭର୍ତ୍ତି ହେବା ସମୟରେ ସେ କୋଭିଡ -19 ସଂକ୍ରମିତ ହୋଇଥିବା ମଧ୍ୟ ଜଣାପଡିଥିଲା । ତା’ପରେ ତାଙ୍କର ଶ୍ୱାସକ୍ରିୟା ସଂକ୍ରମଣ ହୋଇଥିଲା।