ପିଲା ଚୋରି ସନ୍ଦେହରେ ମହିଳାଙ୍କୁ ଆକ୍ରମଣ ମାମଲା: ପୁଣି ଜଣେ ଗିରଫ

ରାଉରକେଲା, ୨୭/୬ : ପିଲା ଚୋରି ସନ୍ଦେହରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ଘଟଣାରେ ପୁଲିସ୍ ଆଉ ଜଣେ ଅଭିଯୁକ୍ତକୁ ଆଜି ଗିରଫକରିଛି । ଗିରଫଅଭିଯୁକ୍ତ ହେଲା ଏମ୍ଡି କାଲୁ (୫୫) । ତାକୁ ଆଜି କୋର୍ଟ ଚାଲାଣ କରାଯାଇଛି ।

କୋର୍ଟରେ ତାର ଜାମିନ୍ ନାକଚ ହୋଇଯାଇଛି । ଏଠାରେ ସୂଚନାଯୋଗ୍ୟ ଯେ, ଅନାମିକା ଦେବୀ ଓରଫ ଅନାମି (୩୦) ରେଲୱେ କଲୋନୀର ଇନ୍ଦିରାନଗରରେ ରହୁଛନ୍ତି । ଅନାମି ବିଭିନ୍ନ ଲୋକଙ୍କ ଘରେ ଆୟା କାମ କରି ପେଟପୋଷନ୍ତି । ଗତ ୧୭ ତାରିଖ ଦିନ ଇଦ୍ ଦିନ ମାଟି ରୋଡରେ ଜଣେ ବ୍ୟକ୍ତିଙ୍କ ଘରେ କାମ ସାରି ରାତି ପ୍ରାୟ ୧୧ଟା ବେଳକୁ ଘରକୁ ଫେରୁଥିଲେ । ଅନାମି ଓ ଅନ୍ୟଜଣେ ମହିଳା ଇନ୍ଦିରା ନଗରର ଗୋଟିଏ ଘରେ ରହନ୍ତି ।