ପିଏନବି ଘୋଟାଲା: ପୁଣି ଥରେ ପଳାତକ ନୀରବ ମୋଦୀର ୨୫୫ କୋଟି ଟଙ୍କାର ସମ୍ପତି ଜବତ କଲା ଇଡି

ଏହା ପୂର୍ବରୁ ଅକ୍ଟୋବର ୧ରେ ଇଡି ନୀରବ ମୋଦୀର ୬୩୭ ଟଙ୍କାର ସମ୍ପତି ଜବତ କରିଥିଲା । ତେବେ ନୀରବ ମୋଦୀର ଭାରତ ସମେତ ଅନ୍ୟ ଚାରୋଟି ଦେଶରେ ତାହାର ସମ୍ପତି ରହିଛି । ଏଜେନ୍ସି କହିବା ଅନୁଯାୟୀ, ଜବତ ହୋଇଥିବା ସମ୍ପତି, ଆଭୂଷଣ, ଫ୍ଲାଟ, ଏବଂ ବ୍ୟାଙ୍କ ବାଲାନ୍ସ ଆଦି ଭାରତ, ବ୍ରିଟେନ ଏବଂ ନ୍ୟୁୟର୍କରେ ରହିଛି । ତେବେ ବହୁତ କମ୍ ମାମଲାରେ ଭାରତୀୟ ଏଜେନ୍ସି ବିଦେଶରେ ସମ୍ପତି ଜବତ କରିଛି ।

ସେହି ସମୟରେ ପିଏନବି ଘୋଟାଲାର ଅନ୍ୟ ଜଣେ ଅଭିଯୁକ୍ତ ମେହୁଲ ଚୋକ୍ସିର ୨୧୮ କୋଟି ଟଙ୍କାର ସମ୍ପତି ଅକ୍ଟୋବର ୧୭ ତାରିଖ ଦିନ ଜବତ ହୋଇଥିଲା । ପିଏମଏଲଏ କୋର୍ଟରେ କାର୍ଯ୍ୟାନୁଷ୍ଠାନ ହେବା ପରେ ଇଡି ଏହି ପଦକ୍ଷେପ ଉଠାଇଛି । ଏହି ଘୋଟାଲରେ ମୁଖ୍ୟ ଅଭିଯୁକ୍ତ ନୀରବ ମୋଦୀ ଏବଂ ମେହୁଲ ଚୋକ୍ସି ବିରୁଦ୍ଧରେ ଅଦାଲତ ୱାରେଂଟ ଜାରି କରିଛି ଏବଂ ଆଉ ଜଣେ ଅଭିଯୁକ୍ତ ଆଦିତ୍ୟ ନାନାବତୀ ବିରୁଦ୍ଧରେ ଇଡି ନୋଟିସ ଜାରି କରିଛି ।