ଇସ୍ଲାମାବାଦ : ପାକିସ୍ତାନର ଆର୍ଥିକ ଅବସ୍ଥା ଏବେ ବେଶ ସଂଗୀନ ରହିଛି । ପାକିସ୍ତାନର ବୈଦେଶିକ ମୁଦ୍ରା ଭଣ୍ଡାରରେ ଏବେ ୭.୫ ବିଲିୟନ (୧ ବିଲିୟନ ୧୦୦ କୋଟି) ଡଲାରରୁ ବି ତଳକୁ ଖସିଯାଇଛି । ଜରୁରୀ ସାମଗ୍ରୀ ଯେପରିକି ତେଲ କିଣିବା ପାଇଁ ପାକିସ୍ତାନ ପାଖରେ ଅର୍ଥ ନାହିଁ । ଏଥିପାଇଁ ପାକିସ୍ତାନ ନିଜର ମିତ୍ର ଦେଶ ଯଥା ଚୀନ ଓ ସାଉଦି ଆରବ ନିକଟରେ ହାତ ପତାଉଛି । ସାଉଦି ଆରବ ୩ ବିଲିୟନ ଡଲାର ସହାୟତା ଦେବ ବୋଲି ଘୋଷଣା କରିଥିଲ । କିନ୍ତୁ ଆଜି ଆସିଥିବା ସୂଚନା ଅନୁସାରେ ସାଉଦି ଆରବ ମାତ୍ର ୧ ବିଲିୟନ ଡଲାର ପଠେଇଛି ।
ଏ ସଂପର୍କରେ ଷ୍ଟେଟ ବ୍ୟାଙ୍କ ଅଫ ପାକିସ୍ତାନ ପକ୍ଷରୁ ସ୍ପଷ୍ଟ କରାଯାଇଛି । ଏହି ଅର୍ଥ ଆସିବା ପରେ ପାକିସ୍ତାନର ବୈଦେଶିକ ମୁଦ୍ରା ଭଣ୍ଡାର ଏବେ ୮.୫ ବିଲିୟନ ଡଲାରକୁ ବୃଦ୍ଧି ପାଇଛି । କିନ୍ତୁ ପାକିସ୍ତାନ ଏବେ ଏହି ଅର୍ଥକୁ ବ୍ୟବହାର କରିପାରିବ ନାହିଁ । ଏହା ବୈଦେଶିକ ମୁଦ୍ରା ଭଣ୍ଡାରରେ ଗଚ୍ଛିତ ରହିବ । ଚଳନ୍ତି ଖାତା ନିଅଣ୍ଟକୁ ହ୍ରାସ କରିବା ପାଇଁ ପାକିସ୍ତାନ ଆହୁରି ୧୨ ବିଲିୟନ ଡଲାର ଆବଶ୍ୟକ କରୁଛି ।
ଚୀନ ମଧ୍ୟ ପାକିସ୍ତାନକୁ ଆର୍ଥିକ ସହାୟତା ବିଷୟରେ ଘୋଷଣା କରିଛି, କିନ୍ତୁ କେତେ ଦେବ ତାହା ଏପର୍ଯ୍ୟନ୍ତ ପ୍ରକାଶ କରିନାହିଁ । ଆସନ୍ତା ସପ୍ତାହରେ ପାକ ପ୍ରଧାନମନ୍ତ୍ରୀ ଇମ୍ରାନ ଖାଁ ମାଲେସିଆ ଗ୍ରସ୍ତରେ ଯିବେ । ସେଠାରେ ମଧ୍ୟ ସେ ହାତ ପତେଇବେ ।