ନୂଆଦିଲ୍ଲୀ, ଏପ୍ରିଲ ୧୨ : ପଶ୍ଚିମବଙ୍ଗରେ ଏପର୍ଯ୍ୟନ୍ତ ୪ଟି ପର୍ଯ୍ୟାୟରେ ବିଧାନସଭା ନିର୍ବାଚନ ପାଇଁ ମତଦାନ ଶେଷ ହୋଇଛି । ଆଗାମୀ ଦିନରେ ଆହୁରି ୪ଟି ପର୍ଯ୍ୟାୟରେ ମତ ଗ୍ରହଣ କରାଯିବ । ଏଥି ପାଇଁ ରାଜନେତାଙ୍କ ପ୍ରଚାର ଜୋରଦାର ଚାଲିଛି । ଏବେ ପଂଚମ ପର୍ଯ୍ୟାୟ ମତଦାନ ଲାଗି ପ୍ରଚାରରେ ନେତାମାନେ ବ୍ୟସ୍ତ ଅଛନ୍ତି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ପଶ୍ଚିମବଙ୍ଗରେ ୩ଟି ରାଲି କରିବେ । ସେହିଭଳି କେନ୍ଦ୍ର ଗୃହମନ୍ତ୍ରୀ ଅମିତ ଶାହା ମଧ୍ୟ ବିଜେପି ପ୍ରାର୍ଥୀଙ୍କ ପାଇଁ ରୋଡ ଶୋ’ କରିବେ ।
ପ୍ରଧାନମନ୍ତ୍ରୀ ମୋଦୀ ଆଜି ମଧ୍ୟାହ୍ଣ ୧୨ଟାରେ ବର୍ଦ୍ଧମାନରେ ରାଲି କରିବେ । ଏହା ପରେ ସେ ୧୨ଟା ୪୫ରେ କଲ୍ୟାଣୀରେ ଜନସଭାକୁ ସମ୍ବୋଧିତ କରିବେ । ମୋଦୀଙ୍କ ତୃତୀୟ ରାଲି ଆଜି ଅପରାହ୍ନ ୩ଟା ୧୫ରେ ବାରାସାତରେ ହେବ । ଗୃହମନ୍ତ୍ରୀ ଅମିତ ଶାହା ମଧ୍ୟ ଉତ୍ତର ବଂଗାଲର କାଲିମ୍ୟୋଙ୍ଗରେ ରୋଡ ଶୋ’ କରିବେ । ସେ ଧୂପଗୁଡିରେ ନିର୍ବାଚନୀ ସଭାକୁ ସମ୍ବୋଧିତ କରିବେ । ନିର୍ଦ୍ଧାରିତ କାର୍ଯ୍ୟକ୍ରମ ଅନୁସାରେ ସେ ଆଜି ପୂର୍ବାହ୍ନ ୧୧ଟା ୩୦ରେ ଶାହା କାର୍ଯ୍ୟକ୍ରମ ଆରମ୍ଭ କରିବେ । ଶାହା ଅପରାହ୍ନ ୧ଟା ୪୦ରେ ଧୁପଗୁଡୀରେ ଜନସଭାକୁ ସମ୍ବୋଧିତ କରିବେ ।
Prasanta Patnaik