254 Views
ଭୁବନେଶ୍ୱର: ଭୁବନେଶ୍ୱରର ଜଣେ ପକ୍ଷୀ ପ୍ରେମୀ ତାଙ୍କ ଘରକୁ ପୂରାପୂରି ଭାବେ ଏକ ପକ୍ଷୀଶାଳରେ ପରିଣତ କରି ଦେଇଛନ୍ତି। ଏହି ପକ୍ଷୀ ପ୍ରେମୀ ବ୍ୟକ୍ତି ଜଣକ ହେଉଛନ୍ତି ସରୋଜ ରଥ। ସେ ବୃତ୍ତିରେ ଜଣେ ଚିତ୍ରଶିଳ୍ପୀ। ବିଭିନ୍ନ ପ୍ରକାରର ବିଦେଶୀ ପକ୍ଷୀଙ୍କୁ ଲକ୍ଷ୍ୟ କରି ସେ ତାଙ୍କ ଘରର ଆକାର ପ୍ରକାର ବଦଳାଇଛନ୍ତି। ତାଙ୍କ ଘରେ ଅନେକ ଦାମୀ ଅଷ୍ଟ୍ରେଲିଆ ଚଢ଼େଇ ବି ଦେଖିବାକୁ ମିଳନ୍ତି।ସରୋଜ କୁହନ୍ତି, ‘ଗତ ୪୦ ବର୍ଷ ହେବ ମୁଁ ମୋ ଘରେ ଏପରି ପକ୍ଷୀମାନଙ୍କୁ ପାଳି ଆସୁଛି। ଆମ ଘରେ ଭିନ୍ନ ଭିନ୍ନ ପକ୍ଷୀ ସବୁ ଅଛନ୍ତି। ପକ୍ଷୀମାନଙ୍କୁ ସହଜ ଅନୁଭବ ହେବା ପରି ପରିବେଶ ମୁଁ ମୋ ଘରେ ସୃଷ୍ଟି କରିଛି।’
ସରୋଜଙ୍କ ପତ୍ନୀ କୁହନ୍ତି, ‘ଏହି ପକ୍ଷୀମାନଙ୍କୁ ନେଇ ଆମେ ବେଶ୍ ଖୁସି। ଆମେ ଠିକ୍ ସମୟରେ ସେମାନଙ୍କ ଖାଇବା ପିଇବାର ଯତ୍ନ ନେଉ। ଏହି ପକ୍ଷୀମାନଙ୍କୁ ଦେଖିବା ପାଇଁ ଆମ ଘରକୁ ଲୋକଙ୍କ ସୁଅ ଛୁଟେ। ଲୋକମାନେ ଆସି ଆମ ଘରୁ ବିଭିନ୍ନ ପକ୍ଷୀ ଦେଖି ଖୁସି ହୋଇ ଫେରନ୍ତି ଓ ଆମେ ବି ଖୁସି ହେଉ।’
Prasanta Patnaik