ନୂଆଦିଲ୍ଲୀ, ଡିସେମ୍ବର ୨୩ : ଭାରତୀୟ କ୍ରିକେଟ ଟିମର ବୋଲର ୟୁଜବେନ୍ଦ୍ର ଚହଲ ମଙ୍ଗଳବାର ଲୋକପ୍ରିୟ କୋରିଓଗ୍ରାଫର ଧନଶ୍ରୀ ବର୍ମାଙ୍କ ସହିତ ପରିଣୟ ସୂତ୍ରରେ ବାନ୍ଧି ହୋଇଛନ୍ତି । ଗତ ଅଗଷ୍ଟ ମାସରେ ଏହି ଦମ୍ପତ୍ତିଙ୍କର ନିର୍ବନ୍ଧ ଅନୁଷ୍ଠିତ ହୋଇଥିଲା । ବିବାହ ନେଇ ୟୁଜବେନ୍ଦ୍ର ଚହଲ ନିଜର ଇନଷ୍ଟାଗ୍ରାମରେ ସୂଚନା ଦେଇଛନ୍ତି । କ୍ରିକେଟର ଚହଲ ସାମାଜିକ ଗଣମାଧ୍ୟମରେ ଉଭୟଙ୍କର ଫଟୋ ସେୟାର କରିଛନ୍ତି ।
କ୍ରିକେଟର ଚହଲ ଫଟୋ ସେୟାର କରିବା ସହ କହିଛନ୍ତି ଯେ, ଆମେ ଯେକୌଣସି ପ୍ରକାରରେ ଏକା ସାଥୀରେ ଯାତ୍ରା କରିବାକୁ ନିଷ୍ପତ୍ତି ନେଇଛୁ । ଆମେ ସାଥୀରେ ରହିବୁ ଏବଂ ଏହା ଆଗକୁ ମଧ୍ୟ ଏକସାଥୀରେ ଦିନ ବିତାଇବୁ । ଉଭୟଙ୍କ ବିବାହ ହିନ୍ଦୁ ରୀତିନୀତି ଅୁସାରେ ହୋଇଛି ।
ପୂର୍ବରୁ ଧନଶ୍ରୀ ଗଣମାଧ୍ୟମକୁ କହିଥିଲେ ଯେ, ତାଙ୍କୁ ୟୁଜବେନ୍ଦ୍ର ଚହଲ ପ୍ରସ୍ତାବ ଦେଇଥିଲେ, ଯେଉଁଥିରେ କି ସେ ରାଜି ହୋଇଥିଲେ । ଉଭୟଙ୍କ ମଧ୍ୟରେ ଗତ ଏପ୍ରିଲରେ ପ୍ରଥମ ଦେଖାସାକ୍ଷାତ ହୋଇଥିଲା । ଉଭୟଙ୍କ ସାକ୍ଷତା ଗୁରୁ-ଶିଷ୍ୟ ଭାବେ ଦେଖା ହୋଇଥିଲା । କିନ୍ତୁ ପରେ ଏହା ପ୍ରେମରେ ପରିଣତ ହୋଇଥିଲା । ଲକଡାଉନ ସମୟରେ ଚହଲ କିଛି ନୂଆ ଶିଖିବାକୁ ଚାହୁଁଥିଲେ ଏବଂ ସେ ୟୁଟୁବରେ ଧନଶ୍ରୀଙ୍କ ଭିଡିଓ ଦେଖିଥିଲେ । ପରେ ଉଭୟଙ୍କର ସାକ୍ଷାତ ହୋଇଥିଲା ।
Prasanta Patnaik