ମାଲକାନଗିରି, ଏପ୍ରିଲ ୨୧ : ମାଲକାନଗିରିର ତତ୍କାଳୀନ ଜିଲ୍ଲାପାଳ ଆର ଭିନିଲ କ୍ରିଷ୍ଣାଙ୍କ ଅପହରଣ ଘଟଣାରେ ମୁଖ୍ୟ ଭୂମିକା ଗ୍ରହଣ କରିଥିବା ସିପିଆଇ (ମାଓବାଦୀ)ର ଦୁର୍ଦ୍ଦାନ୍ତ ନକ୍ସଲ କ୍ରିଷ୍ଣା ଆତ୍ମସମର୍ପଣ କରିଛି । ତାକୁ ଧରାଇବା ଲାଗି ମୁଣ୍ଡ ପିଛା ୨୦ ଲକ୍ଷ ଟଙ୍କା ପୁରସ୍କାର ଘୋଷଣା ହୋଇଥିଲା ।
କ୍ରିଷ୍ଣାକୁ ଧରାଇ ଦେବା ବ୍ୟକ୍ତିକୁ ଏହି ଟଙ୍କା ପ୍ରଦାନ କରାଯିବ ବୋଲି ୩ ରାଜ୍ୟ ପକ୍ଷରୁ ଘୋଷଣା କରାଯାଇଥିଲା। ମାଲକାନଗିରି ପୋଲିସ, ବିଏସ୍ଏଫ ଏବଂ ଆନ୍ଧ୍ର ପୋଲିସ୍ର ଘନ ଘନ ଚଢ଼ାଉରେ ଏକ ପ୍ରକାର ଭୟଭୀତ ହୋଇପଡିଥିବା କ୍ରିଷ୍ଣା ଶେଷରେ ଆନ୍ଧ୍ର ପୋଲିସ୍ ନିକଟରେ ଆତ୍ମସମର୍ପଣ କରିଛି।
ସୂଚନାଯୋଗ୍ୟ, ମାଲକାନଗିରି ଜିଲ୍ଲାର ତତ୍କାଳୀନ ଜିଲ୍ଲାପାଳ ଭିନିଲ କ୍ରିଷ୍ଣାଙ୍କ ଅପହରଣରେ ମୁଖ୍ୟ ଭୂମିକା ଗ୍ରହଣ କରିଥିଲା କ୍ରିଷ୍ଣା । ଦୀର୍ଘ ଦିନ ଧରି ମାଲକାନଗିରି ଜିଲ୍ଲା ସ୍ୱାଭିମାନ ଅଞ୍ଚଳରେ ନିଜ ଦବଦବା ଜାହିର କରି ରଖିଥିବା କ୍ରିଷ୍ଣା ଆନ୍ଧ୍ର, ଓଡ଼ିଶା ଏବଂ ତେଲେଙ୍ଗାନାରେ ବିଭିନ୍ନ ନକ୍ସଲି ହିଂସାରେ ସାମିଲ ଥିଲା। ତେଣୁ ୩ ରାଜ୍ୟ ପୋଲିସ୍ ପକ୍ଷରୁ ତାକୁ ଧରିବା ପାଇଁ ଜୋରସୋର ଉଦ୍ୟମ ହେଉଥିଲା।
ମାଓ ବିଚାରଧାରାରେ ଅସନ୍ତୋଷ ହେତୁ ଆତ୍ମସମର୍ପଣ କରିଛି କ୍ରିଷ୍ଣା ବୋଲି ଆନ୍ଧ୍ରପ୍ରଦେଶ ପୋଲିସ ମହାନିର୍ଦ୍ଦେଶକ ଡି ଜି ସାୱାଙ୍ଗ କହିଛନ୍ତି।
ପୋଲିସ ମହାନିର୍ଦ୍ଦେଶକ ଡିଜି ସାୱାଙ୍ଗ କହିଛନ୍ତି ଯେ ୨୦୧୯ ମସିହାରୁ ରାଜ୍ୟରେ ପୋଲିସ ବାହିନୀ ଏବଂ ମାଓବାଦୀଙ୍କ ମଧ୍ୟରେ ଗୁଳି ବିନିମୟର ଆଠଟି ସର୍ଚ୍ଚ ଅପରେସନ ହୋଇଛି, ଯେଉଁଥିରେ ଜିଲ୍ଲା କମିଟି ସଦସ୍ୟଙ୍କ ସମେତ ଆଠ ଜଣ ଆଇନଜୀବୀ ନିହତ ହୋଇଥିଲେ ଏବଂ ଏକ ସ୍ୱତନ୍ତ୍ର ଜୋନାଲ କମିଟି ସଦସ୍ୟଙ୍କ ସମେତ ଛଅ ଜଣ ଥିଲେ। ଗିରଫ ଅନ୍ୟ ୩୧ ମାଓବାଦୀ ପୋଲିସ ନିକଟରେ ଆତ୍ମସମର୍ପଣ କରିଥିଲେ।
Prasanta Patnaik