ଦୁର୍ଘଟଣାରେ ଆହତ ହୋଇ ଚିକିତ୍ସିତ ହେଉଥିବା ଆର୍ଏସ୍ପି କର୍ମଚାରୀ ଚନ୍ଦ୍ରଶେଖର ଦ୍ୱିବେଦୀଙ୍କ ମୃତ୍ୟୁ: ଧର୍ମପତ୍ନୀଙ୍କୁ ମିଳିଲା ଅନୁକମ୍ପା ମୁଳକ ନିଯୁକ୍ତି

ରାଉରକେଲା, ୨୯ା୮ : ଚଳିତ ମାସ ୨୬ ତାରିଖ ଦିନ ଆର୍ଏସ୍ପି ଏସ୍ଏମ୍ଏସ୍-୨ ବିଭାଗରୁ ନିଜର ବି ସିଫ୍ଟ ଡ୍ୟୁଟି ସାରି ଘରକୁ ଫେରୁଥିବା ବେଳେ ଚନ୍ଦ୍ରଶେଖର ଦ୍ୱିବେଦୀ, ପର୍ସନାଲ ନମ୍ବର ୯୬୦୭୪୭ ଦୁର୍ଘଟଣାର ଶିକାର ହୋଇ ଗୁରୁତର ଅବସ୍ଥାରେ ଆଇଜିଏଚ୍ରେ ଭର୍ତ୍ତି ହୋଇଥିଲେ । ଗତ ୨୭ ତାରିଖ ଦିନ ତାଙ୍କୁ ଭୁବନେଶ୍ୱର ସ୍ଥିତ ଆପୋଲୋ ହସ୍ପିଟାଲକୁ ରେଫର କରାଯାଇଥିଲା । ଆପୋଲୋରେ ଚିକିତ୍ସିତ ହେଉଥିବା ବେଳେ ଆଜି ସକାଳ ସମୟରେ ସେ ଶେଷ ନିଃଶ୍ୱାସ ତ୍ୟାଗ କରିଥିଲେ ।

ଏହି ଘର ରାଉରକେଲାରେ ପହଞ୍ôଚବା ପରେ ରାଉରକେଲା ଶ୍ରମିକ ସଂଘ ସାଧାରଣ ସମ୍ପାଦକ ପ୍ରଶାନ୍ତ କୁମାର ବେହେରା ତାଙ୍କ ଉତ୍ତରାଧିକାରୀଙ୍କୁ ସାନ୍ତ୍ୱନାମୂଳକ ନିଯୁକ୍ତି ପାଇଁ ଆଲୋଚନା ବେଳେ ଦାବି କରିଥିଲେ । ଆର୍ଏସ୍ପି ମ୍ୟାନେଜମେଣ୍ଟ ସ୍ୱର୍ଗତ ଦ୍ୱିବେଦୀଙ୍କ ଧର୍ମପତ୍ନୀ ମଞ୍ଜୁଲତା ଦ୍ୱିବେଦୀଙ୍କୁ ଆଜି ସନ୍ଧ୍ୟାରେ ତାଙ୍କ ସେକ୍ଟର-୧ସ୍ଥିତ ବାସଗୃହ ଜି-୨୪୮ରେ ପହଞ୍ôଚ ସାନ୍ତ୍ୱନାମୂଳକ ନିଯୁକ୍ତିପତ୍ର ପ୍ରଦାନ କରିଥିଲେ । ଆଜି ସନ୍ଧ୍ୟାରେ ଆର୍ଏସ୍ଏସ୍ ସଭାନେତ୍ରୀ ଡିଏସ୍ ପାଣିକରଙ୍କ ସଭାପତିତ୍ୱରେ ଏକ ଶୋକସଭା ଆୟୋଜନ କରାଯାଇଥିଲା ଓ ସ୍ୱର୍ଗତ ଦ୍ୱିବେଦୀଙ୍କ ଅମର ଆତ୍ମାର ସଦ୍ଗତି ପାଇଁ ୨ ମିନିଟ୍ ନୀରବ ପ୍ରାର୍ଥନା କରାଯାଇଥିଲା । ଏହି ସଭା ଓ ନିଯୁକ୍ତପତ୍ର ପ୍ରଦାନ ସମୟରେ ଦିଲ୍ଲୀପ ମହାପାତ୍ର, ନିହାର ସାମଲ, ପ୍ରମୋଦ ପତି, ଶଶିକାନ୍ତ ପାଢୀ, ଭଗବାନ ସେଠୀ, ମିହିର ପାଣିଗ୍ରାହୀ, ପି.କେ. ପାତ୍ର, କଳାକାର ନାୟକ, ରମାକାନ୍ତ ପରିଡା, ସୁଶୀଲ ଜେନା, ଏସ୍.କେ. ପାଣିଗ୍ରାହୀ ପ୍ରଭୃତି କର୍ମଚାରୀ ଓ କର୍ମକର୍ତ୍ତାମାନେ ଉପସ୍ଥିତ ଥିଲେ ।