ଦୁର୍ଘଟଣାରେ ଆଦର୍ଶ ଯୁବ ପରିଷଦ ସାଧାରଣ ସମ୍ପାଦକ ଆହତ

ରାଉରକେଲା, ୪ା୯ : ଏକ ସଡକ ଦୁର୍ଘଟଣାରେ ଆଦର୍ଶ ଯୁବ ପରିଷଦ ସାଧାରଣ ସମ୍ପାଦକ ସତ୍ୟ ସୁନ୍ଦର ପାତ୍ର ଆହତ ହୋଇଛନ୍ତି । ତାଙ୍କ କାନ୍ଧ ଖଞ୍ଜା ଖସିଯିବା ସହ ହାଡ ମଧ୍ୟ ଭାଙ୍ଗି ଯାଇଥିବା ଜଣାପଡିଛି । ଏଥିସହ ତାଙ୍କ ଡାହାଣ ଗୋଡ ଆଣ୍ଠୁରେ ପ୍ରବଳ ଆଗାତ ଲାଗିଛି । ସେ ବର୍ତ୍ତମାନ ଚିକିତ୍ସାଧିନ ଅଛନ୍ତି । ଥିବା ଜଣାପଡିଛି । ଦେବ ବିହାର ରାସ୍ତାଦେଇ କୌଣସି ସପରିବାର ଯାଉଥିବା ବେଳେ ଏକ ବୁଲା କୁକୁର ତାଙ୍କ ବାଇକ୍ ସମ୍ମୁଖକୁ ଚାଲିଆସିଯିବାରୁ ଶ୍ରୀ ପାତ୍ର ଭାରସାମ୍ୟ ହରାଇ ତଳେ ପଡିଯାଇଥିଲେ । ତାଙ୍କ ଉପରେ ବାଇକ୍ ମଧ୍ୟ ପଡିଯାଇଥିଲା । ଫଳରେ ସେ ଆହତ ହୋଇଥିଲେ । ତାଙ୍କୁ ତୁରନ୍ତ ଡାକ୍ତରଖାନାକୁ ନିଆଯାଇଥିଲା । ଚିକିତ୍ସା ପରେ ତାଙ୍କ କଲର ବୋନ ଭାଙ୍ଗିଯାଇଥିବା ଜଣାପଡିଥିଲା ।