ଦୁଇ ଚୋର ଗିରଫ, ଚୋରି ସାମଗ୍ରୀ ଉଦ୍ଧାର

ରାଉରକେଲା, ୧୫ ।୧୨  : ରାଉରକେଲା ପୋଲିସ ଜିଲ୍ଲା ପ୍ଲାଣ୍ଟସାଇଟ୍ ଥାନା ଅନ୍ତର୍ଗତ ସେକ୍ଟର-୨୧ ଅଞ୍ଚଳରେ ହୋଇଥିବା କେତେକ ଚୋରି ଘଟଣାର ତଦନ୍ତ ପ୍ରକ୍ରିୟା ଚାଲୁରହିଥିଲା । ତେବେ ଏହି ଚୋରି ସମ୍ପର୍କରେ ତଦନ୍ତ କରୁଥିବା ପୋଲିସ କୌଣସି ବିଶ୍ୱସ୍ତ ସୂତ୍ରରୁ ଖବର ପାଇ ବିଭିନ୍ନ ସ୍ଥାନରେ ଚଢାଉ କରିଥିଲା । ଏହି ଚଢଉ ବେଳେ ପୁଲିସ୍ ରାଜେଶ ସାହୁ ଓ ଜଗନ୍ନାଥ ଲାକ୍ରା ନାମକ ୨ ଜଣ ବ୍ୟକ୍ତିଙ୍କୁ ଗିରଫ କରିବା ସହିତ ସେମାନଙ୍କ ନିକଟରୁ ଚୋରି କାନଫୁଲ, ବ୍ରେସଲେଟ୍, ହାତ ମୁଦି ଜବତ କରିଥିଲା । ଯାହାର ଆନୁମାନିକ ମୂଲ୍ୟ ପ୍ରାୟ ୭୦ ହଜାର ଟଙ୍କା ହେବ । ଗିରଫ ହୋଇଥିବା ଉଭୟ ଅଭିଯୁକ୍ତକୁ ପୋଲିସ କୋର୍ଟଚାଲାଣ କରିଛି ।