ଦିଲ୍ଲୀରେ ପୁଣି ଅଗ୍ନିକାଣ୍ଡ, ଜଳିଗଲା ପରଫ୍ୟୁମ୍ କାରଖାନା

ଦିଲ୍ଲୀର ନାରାୟଣ ଶିଳ୍ପାନୁଷ୍ଠାନ ଅଂଚଳରେ ଥିବା ଏକ କାରଖାନାରେ ନିଆଁ ଲାଗି ଯାଇଛି । ଘଟଣାସ୍ଥଳରେ ଦମକଳ ବାହିନୀର ୨୯ଟି ଗାଡି ପହଁଚି ନିଆଁକୁ ଆୟତ କରିବାରେ ଲାଗିଛନ୍ତି । ଏହା ଏକ ପେପର ପରଫ୍ୟୁମ୍ କାରଖାନା । ତେବେ କିଭଳି ନିଆଁ ଲାଗିଛି ତାହାକ କୌଣସୀ କାରଣ ଜଣାପଡି ନାହିଁ । ତେବେ ଏଥିରେ କେହି ମୃତାହତ ହୋଇଥିବା ସୂଚନା ମିଳିପାରି ନାହିଁ ।

ଗଣମାଧ୍ୟମରେ ପ୍ରକାଶିତ ରିପୋର୍ଟ ଆଧାରରେ ନିଆଁ ବ୍ୟାପିବାରେ ଲାଗିଛି । ଏହାକୁ ଶୀଘ୍ର କାବୁ କରାନଗଲେ ଆଖପାଖରେ ଥିବା କାରଖାନାକୁ ମଧ୍ୟ ଏହା ବ୍ୟାପିବାର ସମ୍ଭାବନା ରହିଛି  । ଦୁଇଘଂଟା ହେଲା ଏଠାରେ ଦମକଳ ବାହିନୀ ନିଆଁକୁ ଆୟତ କରିବାରେ ଲାଗିଛନ୍ତି । ଏହା କାର୍ଡ ଏବଂ ପରଫ୍ୟୁମ ଫାକ୍ଟ୍ରି ହୋଇଥିବାରୁ ନିଆଁକୁ ଆୟତ କରିବା କଷ୍ଟକର ହୋଇଯାଇଛି ।

ସୂଚନାଯୋଗ୍ୟ କି, ଦିଲ୍ଲୀରେ ଗତ ତିନିଦିନ ହେଲା ବିଭିନ୍ନ ସ୍ଥାନରେ ନିଆଁ ଲାଗୁଥିବା ଖବର ଆସୁଛି । ମଙ୍ଗଳବାର କେରାଲବାଗ ଅଂଚଳରେ ଅଗ୍ନିକାଣ୍ଡ ଘଟି ୧୭ ଜଣ ପ୍ରାଣ ହରାଇଥିବା ବେଳେ ଗତକାଲି ପଶ୍ଚିମପୁରୀ ଅଂଚଳରେ ନିଆଁ ଲାଗିବା ଦ୍ୱାରା ୨୦୦ରୁ ଅଧିକ ଚାଳଘର ଜଳି ଯାଇଥିଲା ।