ତିନି ରାଜ୍ୟର କଂଗ୍ରେସ ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ଉତ୍ସବରେ ଯାଗ ଦେବେ ନାହିଁ ଅଖିଳେଶ, ମାୟାବତୀ

ନୂଆଦିଲ୍ଲୀ, ଡିସେମ୍ବର ୧୭: ଆଗାମୀ ରାଜନୈତିକ ମହାମେଣ୍ଟ ନେଇ ସମଗ୍ର ଦେଶରେ ଗଂଗ୍ରେସ ନେତୃତ୍ୱରେ ମାନସ ମନ୍ଥନ ଚାଲିଛି। ଏ ପରିପ୍ରେକ୍ଷୀରେ ମଧ୍ୟପ୍ରଦେଶ, ଛତଶଗଡ଼ ଓ ରାଜସ୍ଥାନରେ କଂଗ୍ରେସର ବିଜୟ ଏହି ମହାମେଣ୍ଟ ପାଇଁ ଏକ ବଳିଷ୍ଠ ଭିତ୍ତିଭୁମି ଯୋଗାଇ ଦେଇଛି। ଏପରିକି ଏହି ୩ ରାଜ୍ୟର ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ଉତ୍ସବରେ ବିଭିନ୍ନ ଜାତୀୟ ଓ ଆଞ୍ଚଳିକ ଦଳର ମୁଖ୍ୟମାନେ ଯୋଗ ଦେଇ କଂଗ୍ରେସ ନେତତ୍ୱାଧୀନ ମହାମେଣ୍ଟକୁ ସଫଳ ରୂପାୟନ ସହିତ ଶକ୍ତି ପ୍ରଦର୍ଶନ ପାଇଁ ଏକ ସପୂର୍ଣ୍ଣ ସୁଯୋଗ ବୋଲି ବିବେଚନା କରାଯାଉଛି।

ଏ ପରିସ୍ଥିତିରେ ଗତକାଲି ତାମିଲନାଡ଼ୁର ଡିଏମକେ ସଭାପତି ଷ୍ଟାଲିନ୍‌ ରାହୁଳ ଗାନ୍ଧୀ ମହାମେଣ୍ଟର ପ୍ରଧାନମନ୍ତ୍ରୀ ପ୍ରାର୍ଥୀ ବୋଲି ଘୋଷଣା କରି ଏହି ମହାମେଣ୍ଟକୁ ସାକାର ରୂପ ଦେବା ପାଇଁ ଉଦ୍ୟମ କରିଛନ୍ତି। ଏଭଳି ଅବସ୍ଥାରେ ୩ ରାଜ୍ୟର ମୁଖ୍ୟମନ୍ତ୍ରୀଙ୍କ ଶପଥ ଗ୍ରହଣ ଉତ୍ସବରେ ଯୋଗ ଦେବେ ନାହିଁ ସମାଜବାଦୀ ପାର୍ଟି ଅଧ୍ୟକ୍ଷ ଅଖିଳେଶ ଯାଦବ ଓ ବହୁଜନ ସମାଜବାଦୀ ପାର୍ଟିର ଅଧ୍ୟକ୍ଷା ମାୟାବତୀ। ଗତକାଲି ତୃଣମୂଳ କଂଗ୍ରେସର ଅଧ୍ୟକ୍ଷା ମମତା ବାନାର୍ଜୀ ଏହି ଶପଥ ଗ୍ରହଣ ଉତ୍ସବରେ ଯୋଗ ଦେବେ ନାହିଁ ବୋଲି କହିଥିବା ବେଳେ ଆଜି ଅଖିଳେଶ ଯାଦବ ଓ ମାୟାବତୀଙ୍କ ଯୋଗ ନ ଦେବା ନିଷ୍ପତ୍ତି ଆଗାମୀ ରାଜନୀତିରେ ସେମାନଙ୍କ ଭୂମିକା ନେଇ ଏକ ବିରାଟ ପ୍ରଶ୍ନବାଚୀ ସୃଷ୍ଟି କରିଛି।

ANI UP

✔@ANINewsUP

Samajwadi Party (SP) President Akhilesh Yadav and Bahujan Samaj Party (BSP) Chief Mayawati will not participate in the swearing-in ceremonies in Rajasthan, Chhattisgarh and Madhya Pradesh today. (file pics)

ସୂଚନାଯୋଗ୍ୟ ଯେ, ମଧ୍ୟପ୍ରଦେଶ ଓ ରାଜସ୍ଥାନରେ କଂଗ୍ରେସ ଦଳ ସଂଖ୍ୟାଗରିଷ୍ଠ ଦଳ ଭାବେ ଉଭା ହୋଇଥିଲେ ମଧ୍ୟ ସରକାର ଗଠନ ପାଇଁ ଆବଶ୍ୟକ ମ୍ୟାଜିକ୍‌ ନମ୍ବର ଛୁଇଁ ପାରି ନାହିଁ। ଏଥିପାଇଁ କଂଗ୍ରେସ ଦଳ ସହଯୋଗ ମାଗିବା ପୂର୍ବରୁ ମାୟାବତୀ ଓ ଅଖିଳେଶ ଯାଦବ ଏହି ଦୁଇ ରାଜ୍ୟରେ କଂଗ୍ରେସ ଦଳକୁ ସରକାର ଗଠନ ପାଇଁ ସମର୍ଥନ କରିବେ ବୋଲି ଘୋଷଣା କରିଥିଲେ।