ରାଉରକେଲା, ୨୪ା୧୧: ଆର୍ଏସ୍ପି ଅନ୍ତର୍ଗତ ଡମ୍ପିଂ ୟାର୍ଡରେ ଡମ୍ପର ଚକା ତଳେ ଜଣେ ଯୁବକଙ୍କ ଜୀବନ ଯାଇଛି । ମୃତ ଯୁବକ ଆର୍ଏସ୍ପି ଡମ୍ପିଂ ୟାର୍ଡରୁ ମଳ ଲୁହା ଗୋଟାଇବାକୁ ଯାଉଥିବା ଏହି ଦୁର୍ଘଟଣା ଘଟିଥିବା ଜଣାପଡିଛି । ଟାଙ୍ଗରପାଲି ପୁଲିସ ଏ ନେଇ ଏକ ଅପମୃତ୍ୟୁ ମାମଲା ରୁଜୁ କରିଛି । ମୃତ ଯୁବକ ହେଲେ ଟାଙ୍ଗରପାଲି ଥାନା ଅନ୍ତର୍ଗତ ବନ୍ଧାବସା ବସ୍ତିର ବାସିନ୍ଦା । ସୂଚନା ଅନୁଯାୟୀ ଦେଓଗାଁ ନିକଟସ୍ଥ ଡମ୍ପିଂ ୟାର୍ଡରେ ଏହି ଦୁର୍ଘଟଣା ଘଟିଛି । ଡମ୍ପରଟି କାରଖାନାରୁ ବର୍ଜ୍ୟବସ୍ତୁ ବୋଝେଇ କରି ତାକୁ ଖଲାସ କରିବାକୁ ଡମ୍ପିଂ ୟାର୍ଡ ଯାଉଥିଲା ।
ଡମ୍ପର ପଛପଟୁ ଉକ୍ତ ଯୁବକ ଜଣକ ଚଢିବାକୁ ଉଦ୍ୟମ କରୁଥିବା ବେଳେ ତାଙ୍କ ଗୋଡ ଖସିଯିବାରୁ ତଳେ ଖସିପଡିଥିଲେ । ଫଳରେ ଡମ୍ପର ଚକାତଳେ ଚାପି ହୋଇ ତାଙ୍କର ମୃତ୍ୟୁବରଣ କରିଥିଲେ । ଖବର ପାଇ ଟାଙ୍ଗରପାଲୀ ପୁଲିସ୍ ସେଠାରେ ପହଞ୍ଚି ଶବ ଜବତ କରିଥିଲା । ଡମ୍ପର ମାଲିକ ୨୫ ହଜାର ଟଙ୍କା ସହାୟତା ରାଶି ଦେଇଥିବା ବେଳେ ଆଉ ଦେଢଲକ୍ଷ ଟଙ୍କା ସହାୟତା ଦେବେ ବୋଲି ସୂଚନା ମିଳିଛି । ପୁଲିସ୍ ଏକ ମାମଲା ରୁଜୁ କରି ଘଟଣାର ତଦନ୍ତ କରୁଛି ।
Prasanta Patnaik