ଡକାୟତି ଯୋଜନା ଧରାପଡିଲା, ୩ ଗିରଫ

ରାଉରକେଲା, ୧୭ା୧୦ : ଡକାୟତି ପାଇଁ ଯୋଜନା ଧରାପଡିଛି । ଡକାୟତି ଯୋଜନା କରୁଥିବା ବେଳେ ପୁଲିସ ୩ ଜଣଙ୍କୁ ଗିରଫ କରିିଛି । ସେମାନଙ୍କ ଠାରୁ ଗୁଳି, ଭୁଜାଲି, ଲୁହା ରଡ଼ ଓ ଲଙ୍କା ଗୁଣ୍ଡ ଆଦି ଜବତ କରିଛି । ସେମାନଙ୍କୁ କୋର୍ଟ ଚାଲାଣ କରାଯାଇଛି । କୋର୍ଟରେ ଜାମିନ ଖାରଜ ହୋଇଯାଇଛି । ଗତକାଲି ରାତିରେ ହନୁମାନ ବାଟିକା ନିକଟସ୍ଥ ଗାଢ଼ାଟୋଲା ବସ୍ତିରେ କିିଛି ଅସାମାଜିକ ଯୁବକ ଏକଜୁଟ ହୋଇ କୌଣସି ଅପରାଧ ପାଇଁ ଯୋଜନା କରୁଥିବା ସମ୍ପର୍କରେ ପୁଲିସ ସୂଚନା ପାଇଥିଲା ।

ଖବର ପାଇ ରଘୁନାଥପାଲି ପୁଲିସ ସଦଳବଳେ ସେଠାରେ ଚଢ଼ଉ କରିଥିଲା । ଘଟଣାସ୍ଥଳରୁ ପୁଲିସ ସେହି ବସ୍ତିର ମୋହରା ମୁଣ୍ଡା, ସଞ୍ଜୟ ଓରାମ ଓ ବିକାଶ ସିଂହକୁ ଗିରଫ କରିଛି । ସେମାନେ ଡକାୟତି ପାଇଁ ଯୋଜନା କରୁଥିବା ପୁଲିସର ଜେରା ବେଳେ ସ୍ୱୀକାର କରିଛନ୍ତି । ସେମାନଙ୍କଠାରୁ ଏକ ଭୁଜାଲି, ଜୀବନ୍ତ ଗୁଳି, ଲଙ୍କା ଗୁଣ୍ଡ ଓ ଲୁହା ରଡ଼ ଜବତ କରାଯାଇଛି ।