ଟ୍ରେନ୍‌ ଚାପାରେ ବୃଦ୍ଧ ମୃତ

ରାଇରଙ୍ଗପୁର: ଶୁକ୍ରବାର ସକାଳ ପ୍ରାୟ ୬: ୩୦ ମିନିଟ୍‌ ସମୟରେ ଟାଟା-ବାଦାମପାହାଡ଼ ଟ୍ରେନ୍‌ ଲାଇନ୍‌ର ରାଇରଙ୍ଗପୁର ଷ୍ଟେସନ ନିକଟରେ ଟ୍ରେନ୍‌ ଚାପାରେ ଜଣେ ବୃଦ୍ଧ ବ୍ୟକ୍ତିଙ୍କର ମୃତ୍ୟୁ ଘଟିଛି।

ମୃତ ବ୍ୟକ୍ତି ହେଉଛନ୍ତି ଇଚିଣ୍ଡା ଗ୍ରାମର ୬୦ ବର୍ଷିୟ ନରେଶ ମହାନ୍ତ।ଆଜି ସକାଳେ ଟାଟା-ବାଦାମପାହାଡ଼ ଡିଏମ୍‌ୟୁ ଟ୍ରେନ୍‌ ଧକ୍କା ଦେଇ ତାଙ୍କ ଉପରେ ଚଢ଼ିଯିବାରୁ ଘଟଣାସ୍ଥଳରେ ସେ ଖଣ୍ଡବିଖଣ୍ଡ ହୋଇ ମୃତ୍ୟୁ ବରଣ କରିଛନ୍ତି। ଖବର ପାଇ ଟାଟାରୁ ଜିଆର୍‌ପି ପୁଲିସ ଘଟଣାସ୍ଥଳକୁ ଆସୁଛନ୍ତି। ଏ ସଂକ୍ରାନ୍ତରେ ନରେଶଙ୍କ ପରିବାରକୁ ସୂଚନା ଦିଆଯାଇଛି।