ଟ୍ରକ୍ ଧକ୍କାରେ ଯୁବକ ମୃତ

ରାଉରକେଲା,୨ା୮ () : ଲହୁଣୀପଡ଼ା ଥାନା ଅନ୍ତର୍ଗତ ନରେନ୍ଦ୍ର ଛକ ନିକଟରେ ଏକ ସଡ଼କ ଦୁର୍ଘଟଣା ଘଟି ଜଣେ ଯୁବକଙ୍କ ମୃତ୍ୟୁ ହୋଇଛି । ଦୁର୍ଘଟଣାରେ ଲାଠିକଟା ମୁଣ୍ଡା ବସ୍ତିରେ ରହୁଥିବା ସୋମା ମୁଣ୍ଡା (୩୪)ଙ୍କୁ ଏକ ମାଲବାହୀ ଟ୍ରକ୍ ପଛପଟୁ ଧକ୍କା ଦେବାରୁ ତାଙ୍କର ଘଟଣା ସ୍ଥଳରେ ମୃତ୍ୟୁ ହୋଇଛି । ସୋମା କୌଣସି କାମପାଇଁ ତାଙ୍କ ବାଇକ୍ ଯୋଗେ ଲହୁଣୀପଡ଼ା ଯାଇଥିଲେ ।

ସେଠାରୁ କାମସାରି ଘରକୁ ଫେରୁଥିବା ବେଳେ ତାଙ୍କୁ ପଛପଟୁ ଏକ ଟ୍ରକ୍ ଧକ୍କାଦେଇ ଫେରାର ହୋଇଯାଇଥିଲା । ଫଳରେ ସେ ରାସ୍ତା ଉପରେ ଛିଟ୍କି ପଡ଼ିଥିିଲେ । ତାଙ୍କ ମୁଣ୍ଡ ରାସ୍ତାକଡ଼ରେ ଥିବା ଏକ ବିଦ୍ୟୁତ ଖୁଣ୍ଟରେ ପିଟି ହୋଇଯାଇଥିଲା ।

ସ୍ଥାନୀୟ ଲୋକେ ତାଙ୍କୁ ଉଦ୍ଧାର କରି ପ୍ରଥମେ ଚିକିତ୍ସା ପାଇଁ ବଣେଇ ଡାକ୍ତରଖାନା ଓ ପରେ ଆର୍ଜିଏଚ୍କୁ ଆଣିଥିଲେ । ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ ।