ରୋନାଲଡୋ ୨୦୧୯-୨୦ ସିଜନରେ ସର୍ବାଧିକ ୩୭ଟି ଗୋଲ ସ୍କୋର କରିବା ସହ ଗୋଟିଏ ସିଜନରେ ସର୍ବାଧିକ ଗୋଲ ସ୍କୋର କରିବାର ରେକର୍ଡ ଭାଙ୍ଗିଥିଲେ । ଏହି ରେକର୍ଡ ୮୦ ବର୍ଷ ଧରି ରହିଥିଲା । କ୍ଲବ କିମ୍ବଦନ୍ତୀ ଫେଲିସ ବୋରେଲଙ୍କ ନାମରେ ୮୦ ବର୍ଷରୁ ଅଧିକ ସମୟ ଧରି ଏହି ରେକର୍ଡ ରହିଥିଲ।। ସେ ୧୯୩୩-୩୪ ମସିହାରେ ମିତ୍ରୋପା କପରେ ୩୬ ଟି ଗୋଲ ସ୍କୋର କରିଥିଲେ । ଏହି ପର୍ତ୍ତୁଗୀଜ୍ ଷ୍ଟ୍ରାଇକର ଲିଓନ୍ ବିପକ୍ଷ ମ୍ୟାଚରେ ଏହି ରେକର୍ଡ ଭାଙ୍ଗିଛନ୍ତିି ।
ରୋନାଲଡୋ ୩୭ଟି ଗୋଲ୍ ଦେଇ ୨୦୧୯-୨୦ ସିରି ଏ ସିଜନ୍ ଶେଷ କରିଥିଲେ । ଜୁଭେଣ୍ଟସ୍ ଶନିବାର ଦିନ ଆଣ୍ଡ୍ରେୟା ପିରଲୋଙ୍କୁ ଦଳର ନୂତନ ମୁଖ୍ୟ ପ୍ରଶିକ୍ଷକ ଭାବରେ ନିଯୁକ୍ତ କରିଛି । ମାରିଜିଓ ସାରିଙ୍କୁ କୋଚ୍ ଭାବରେ ବରଖାସ୍ତ କରିବାର କିଛି ଘଣ୍ଟା ପରେ ପିରଲୋଙ୍କୁ ସାଇନ କରାଯାଇଛି । ଜୁଭେଣ୍ଟସ୍ ଚାମ୍ପିଅନ୍ସ ଲିଗରୁ ବାଦ୍ ପଡ଼ିବା ପରେ ତାଙ୍କୁ କୋଚ୍ ଭାବେ ବହିଷ୍କାର କରାଯାଇଥିଲା । ୪୧ ବର୍ଷୀୟ ପିରଲୋ, ଯିଏକି ବର୍ତ୍ତମାନ କ୍ଲବ ସହିତ ଦୁଇ ବର୍ଷ ଚୁକ୍ତି ସ୍ୱାକ୍ଷର କରିଛନ୍ତି, ଜଣେ ଖେଳାଳୀ ଭାବରେ ବହୁ ରେକର୍ଡର ଅଧିକାରୀ ହୋଇଥିଲେ । ୨୦୦୬ ରେ ଚାମ୍ପିଅନ୍ସ ଲିଗ୍ ଠାରୁ ଆରମ୍ଭ କରି ବିଶ୍ୱକପ୍ ପର୍ଯ୍ୟନ୍ତ ସବୁକିଛି ଜିତିବାରେ ତାଙ୍କର ଭୂମିକା ରହିଥିଲା ।
Prasanta Patnaik